جاپان میں 7.3 شدت کا زلزلہ ۔ سونامی الرٹ بھی جاری

تازہ خبر عالمی
زین نیوز

ٹوکیو میں بھگدڑ ۔ 20 لاکھ گھروں میں بجلی بند
ٹوکیو:16؍مارچ
(اے ایم این ایس)
جاپان میںچہارشنبہ کی رات 7.3 شدت کا زلزلہ آیا۔ دارالحکومت ٹوکیو سمیت کئی شہروں میں اس کا اثر دیکھا گیا۔ جاپان کے میٹرولوجیکل ڈیپارٹمنٹ نے صرف ایک لائن کے ایک بیان میں کہا کہ ہمارے ملک کے شمال مشرقی علاقے میں سونامی کا الرٹ جاری کر دیا گیا ہے۔
صورتحال پر نظر رکھی جا رہی ہے۔ بتایا جا رہا ہے کہ دارالحکومت ٹوکیو میں بھگدڑ کی صورتحال پیدا ہو گئی ہے۔ بدھ کو ہی ہندوستان کے لداخ میں 5.2 شدت کا زلزلہ آیا۔ یہاں کسی قسم کے نقصان کی کوئی خبر نہیں ہے۔

https://twitter.com/plana_journ/status/1504106714001457154

میڈیا رپورٹس کے مطابق زلزلے کا مرکز فوکوشیما کے علاقے میں تقریباً 60 کلومیٹر گہرائی میں تھا ۔ اس کے بعد عوام کے لیے خصوصی ایڈوائزری جاری کی گئی۔ جاپان کے وقت کے مطابق رات 11 بج کر 36 منٹ پر زلزلہ آیا۔ اس دوران زیادہ تر لوگ اپنے گھروں میں موجود تھے۔

ابھی تک کسی نقصان کی کوئی خبر نہیں ہے۔ کچھ سمندری علاقوں میں لہریں ایک میٹر تک اٹھ گئیں۔ جاپان ٹائمز کے مطابق تقریباً 20 لاکھ گھر بجلی سے محروم ہو چکے ہیں۔ بعض علاقوں میں خطرے سے بچنے کے لیے بجلی کی سپلائی کاٹ دی گئی۔

جاپانی حکومت کی جانب سے جاری کردہ ایک بیان میں کہا گیا ہے کہ فوکوشیماجوہری پلانٹ کی کڑی نگرانی کی جا رہی ہے۔ 11 سال قبل آنے والے زلزلے میں اسے بری طرح نقصان پہنچا تھا۔ اس وقت زلزلے کی شدت 9.0 تھی۔ جاپان میں اکثر زلزلے آتے ہیں، کیونکہ یہ Ring of Fire کے علاقے میں واقع ہے۔ یہاں گھروں اور بڑی عمارتوں کا ڈیزائن اس طرح تیار کیا گیا ہے کہ وہ زلزلے کے بڑے جھٹکے برداشت کر سکیں۔ 2011 کے زلزلے اور سونامی میں تقریباً 19,000 افراد ہلاک ہوئے تھے۔ فوکوشیما نیوکلیئر پلانٹ کو بھی شدید نقصان پہنچا۔