روس کا یوکرین پر کروز اور بیلسٹک میزائلوں سے حملہ

تازہ خبر عالمی
زین نیوز

جنگ کے ذمہ دار پیوٹن ہوں گے۔جو بائیڈن
نئی دہلی :24؍فروری
(اے ایم این ایس)
روس نے یوکرین کے خلاف جنگ چھیڑ رکھی ہے۔ روس کے صدر ولادیمیر پوٹن کی جانب سے یوکرین کے خلاف فوجی کارروائی کے حکم کے بعد یوکرین اور دارالحکومت کیف کے باغیوں کے زیر قبضہ علاقوں میں بمباری کی اطلاعات ہیں۔

یوکرین نے بھی پہلی بار اعتراف کیا ہے کہ روس نے بیلسٹک میزائلوں سے حملہ کیا ہے۔یوکرین نے کہا ہے کہ کیف پر کروز اور بیلسٹک میزائلوں سے حملہ کیا جا رہا ہے۔ وزارت داخلہ نے اس کی تصدیق کی ہے۔کیف کے ہوائی اڈے کو خالی کرا لیا گیا ہےاورمارشل لاء کا اعلان کر دیا گیا ہے۔ روس کی کارروائی پر جو بائیڈن نے کہاکہ جنگ کے ذمہ دار پیوٹن ہوں گے۔

روسی صدر ولادیمیر پوٹن نے یوکرین میں فوجی آپریشن کا اعلان کرتے ہوئے دعویٰ کیا کہ اس کا مقصد شہریوں کو تحفظ فراہم کرنا ہے۔ پیوٹن نے ایک ٹیلی ویژن خطاب میں کہا کہ یہ کارروائی یوکرین کی طرف سے لاحق خطرات کے جواب میں کی جا رہی ہے۔

روس کا مقصد یوکرین کا الحاق نہیں ہے۔ پوتن نے کہا کہ یوکرین کی "حکومت” خونریزی کی ذمہ دار ہے۔ پوتن نے دوسرے ممالک کو خبردار کیا کہ روسی کارروائی میں مداخلت کی کسی بھی کوشش کے "ایسے نتائج ہوں گے جو انہوں نے پہلے کبھی نہیں دیکھے ہوں گے”

۔اطلاعات کے مطابق کراماتوسک میں دو دھماکے ہوئے ہیں۔ روسی صدر نے نیٹو کو بھی دھمکی دی ہے کہ اگر اس نے یوکرین کی حمایت کی تو اسے نتائج کا سامنا کرنے کے لیے تیار رہنا چاہیے۔

خبر رساں ادارے اے ایف پی کی رپورٹ کے مطابق پیوٹن نے کہا ہے کہ یوکرین کی فوج ہتھیار ڈال دے اور گھر چلی جائے۔ یوکرین نہ مانے تو جنگ ہو گی۔ روس نے یوکرین کے خلاف فوجی کارروائی کا حکم دیا ہے۔

روس نے کہا ہے کہ اس کا یوکرین پر قبضہ کرنے کا کوئی ارادہ نہیں ہے۔ تمام فیصلے ہو چکے ہیں۔ روس نے نیٹو ممالک سے کہا ہے کہ ہم تمام نتائج کے لیے تیار ہیں۔ یہاں ہندوستان نے یو این ایس سی میں ایک بار پھر کہا ہے کہ اس معاملے کو پرامن طریقے سے حل کیا جانا چاہئے