یوکرین میں پھنسے ریاست کے لوگوں‘ طلباء کو بحفاظت گھر پہنچانے کی کوششیں تیز

تازہ خبر تلنگانہ
زین نیوز

تلنگانہ بھون دہلی ‘ حیدرآباد میں جنرل ایڈمنسٹریشن (این آر آئی) ڈپارٹمنٹ ہیلپ لائن قائم
طلباء کو واپس لانے سفری خرچ برداشت کرنے حکومت کا اعلان
حیدرآباد:25؍فروری
(زین نیوز)
روس اور یوکرین کے درمیان جنگ کے بعد دنیا بھر کے ممالک پریشان ہیں۔ روسی حملے نے یوکرین میں تباہی مچا دی ہے۔ میڈیا رپورٹس میں دعویٰ کیا جا رہا ہے کہ روسی فوج یوکرین کے دارالحکومت کیف پہنچ گئی ہے۔ یوکرائنی حکومت کے مطابق روسی حملے میں 137 شہری ہلاک اور 316 زخمی ہوئے۔

اس کے ساتھ ہی یوکرین میں پھنسے ریاست کے لوگوں کو بحفاظت گھر پہنچانے کی کوششیں تیز ہو گئی ہیں۔تلنگانہ سرکار نے اس سلسلے میں ضروری معلومات جاری کر دی ہیں۔

ریاست تلنگانہ کی حکومت نے دہلی میں تلنگانہ بھون کے ساتھ ساتھ حیدرآباد میں جنرل ایڈمنسٹریشن (این آر آئی) ڈپارٹمنٹ، تلنگانہ اسٹیٹ سکریٹریٹ، حیدرآباد میں ایک ہیلپ لائن قائم کرنے کا فیصلہ کیا ہے تاکہ یوکرین میں پھنسے ہوئے تارکین وطن اور ریاست تلنگانہ کے طلباء کی مدد کی جا سکے۔

ہیلپ لائن وکرم سنگھ منن آئی پی ایس‘چکرورتی پی آر او‘ نتین اُو ایس ڈی کو یوکرین میں پھنسے ہوئےتلنگانہ کے طلباء (بشمول افراد) کو مدد فراہم کرنے کے لیے وزارت خارجہ، حکومت ہند اور سفارت خانہ ہند کیف کے ساتھ تال میل کے لیے نوڈل افسرس بنایا گیا ہے۔

وہیں یوکرین میں پھنسے ریاست تلنگانہ کے طلبا کو وطن واپس لانے کے لئے حکومت تلنگانہ کی جانب سے سفری خرچ برداشت کرنے کا اعلان کیاہے .ریاستی وزیر کے ٹی آر نے ایک ٹویٹ کے ذریعہ مرکزی حکومت اور مرکزی وزیر ڈاکٹر ایس جے شنکر سے
خصوصی طیاروں کا بندوبست کرنے کی اپیل کی۔ اور کہاکہ تلنگانہ حکومت ان طلباء کے سفر کے مکمل اخراجات برداشت کرنے کے لیے تیار ہے تاکہ ہم انہیں محفوظ اور جلد سے جلد گھر پہنچا سکیں۔

نوڈل افسران تلنگانہ کے شہریوں کو واپس لانے میں تعاون کریں گے۔ جیسا کہ یہاں تفصیلی ہے