یوسف کو مکان میں مودی کی تصویر لگانا مہنگا پڑگیا

تازہ خبر قومی
زین نیوزLeave a Comment on یوسف کو مکان میں مودی کی تصویر لگانا مہنگا پڑگیا

مالک مکان کے خلاف پولیس کمشنرسے شکایت
نئی دہلی : 30؍مارچ
(ا ے ایم این ایس)
مدھیہ پردیش کے اندور میں رہنے والے ایک نوجوان کوپی ایم مودی آئیڈیالوجی کی پیروی کرنا مہنگا پڑ گیا۔ یوسف کے گھر میں پی ایم مودی کی تصویر دیکھ کر مالک مکان نے دھمکی دی کہ اگر اس نے تصویر نہ ہٹائی تو وہ انہیں گھر سے باہر پھینک دے گا

جس کے بعد پیر گلی میں کرائے کے مکان میں رہنے والا متاثرہ یوسف منگل کو اندور پولیس کمشنر کے سامنے عوامی سماعت پہنچا اور اس کی شکایت درج کروائی۔

دراصل اندور کے پیر گلی کے رہنے والے یوسف نے پی ایم مودی کی شخصیت اور ان کے کاموں سے متاثر ہو کر ان کی تصویر اپنے کرائے کے مکان میں لگوائی۔ جیسے ہی مالک مکان نے وہ تصویر دیکھی، اس نے یوسف کو فوراً اس تصویر کو ہٹانے کی ہدایت کی۔ یہ بھی کہا کہ اگر وزیر اعظم کی تصویر نہ ہٹائی گئی تو انہیں گھر خالی کرنا پڑے گا۔

مالک مکان کے اس رویہ سے پریشان ہو کر یوسف نے عوامی سماعت منچ سے رابطہ کیا۔ پولیس کمشنر کے دفتر میں عوامی سماعت کے دوران یوسف نے اپنی تکلیف بیان کرتے ہوئے کہا کہ مالک مکان یعقوب منصوری اور سلطان منصوری نے پی ایم مودی کی تصویر پر اعتراض کیا ہے۔

یوسف نے کہا کہ مالک مکان پی ایم مودی کی تصویر ہٹانے کے لیے ان پر دباؤ ڈال رہا ہے۔ ایڈیشنل ڈی سی پی منیشا پاٹھک سونی نے میڈیا کو بتایا کہ شکایت کی روشنی میں صدر بازار ٹی آئی کو معاملے کی جانچ کرنے کی ہدایت دی گئی ہے

ایڈیشنل ڈی سی پی منیشا پاٹھک سونی نے کہا کہ شکایت کنندہ عوامی سماعت میں آیا اور شکایت کی کہ مالک مکان اس پر وزیر اعظم کی تصویر ہٹانے کے لیے دباؤ ڈال رہا ہے، جب کہ وہ پی ایم مودی کے نظریہ سے متاثر ہے۔ یہ آزادی اظہار کے خلاف ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے