سری لنکا میں شدید معاشی بحران ۔ سری لنکا دیوالیہ ہونے کے دہانے پر

تازہ خبر عالمی
زین نیوز

خوراک، ادویات، پانی، بجلی کی شدید قلت
ہندوستان کی جانب سے سری لنکا کو 40,000 ٹن چاول کی فراہمی
نئی دہلی :7؍اپریل
(اے ایم این ایس)
سری لنکا میں جاری شدید معاشی بحران کے درمیان ادویات کی قلت نے صورتحال کو مزید ٹکٹکی پر چڑھا دیا ہے۔ ہسپتالوں میں ادویات کے لیے لمبی لائنیں لگی ہوئی ہیں۔ لوگوں کو دوائی کے لیے گھنٹوں انتظار کرنا پڑتا ہے۔ بہت سی ضروری دوائیں ختم ہوچکی ہیں۔ یہی حال دارالحکومت کولمبو کا بھی ہے۔ مریض ادویات کے لیے دو چار ہیں۔

یہاں، کولمبو کے نیشنل آئی ہسپتال کے ڈائریکٹر ڈاکٹر دمیکا نے کہا ہے کہ، ہمارے پاس دوائیوں کی کچھ کمی ہے لیکن ہم صورتحال کو سنبھال سکتے ہیں۔ انہوں نے کہا کہ ہماری زیادہ تر دوائیں ہندوستان سے ہندوستانی کریڈٹ لائن کے تحت آتی ہیں، وہ ہمیں مستقبل قریب میں مزید دوائیں فراہم کریں گی اور یہ ہمارے ہسپتال کو معمول کے مطابق چلانے میں بہت مددگار ہے۔

آؤٹ لک کی ایک رپورٹ کے مطابق، ہندوستان نے حال ہی میں سری لنکا کو ایک بلین ڈالر کا لائن آف کریڈٹ دیا ہے۔ اطلاعات کے مطابق سری لنکا نے بھارت سے مزید ڈیڑھ ارب ڈالر مانگے ہیں۔ ساتھ ہی سری لنکا کے اپوزیشن لیڈر ساجیت پریماداسا نے پی ایم نریندر مودی سے اپیل کی ہے کہ ہندوستان سری لنکا کی ہر ممکن مدد کرے۔ غور طلب ہے کہ ہندوستان نے دیوالیہ سری لنکا کو 40,000 ٹن چاول کے علاوہ ڈیزل بھی فراہم کیا ہے۔

واضح رہے کہ سری لنکا کی تاریخ میں پہلی بار ایسی ایمرجنسی دیکھنے میں آئی ہے۔ 2019 سے شروع ہونے والا ملک کا معاشی بحران اب اس حد تک پہنچ چکا ہے کہ پورا ملک دیوالیہ ہونے کے دہانے پر پہنچ گیا ہے۔ معاشی بحران کی وجہ سے ملک کے عوام سب سے زیادہ متاثر ہو رہے ہیں۔ پورا ملک خوراک، ادویات، پانی، بجلی کی شدید قلت کا شکار ہے۔ حالات ایسے ہیں کہ لوگ سڑکوں پر آکر احتجاج کررہے ہیں

شدید اقتصادی بحران کے درمیان سری لنکا کے سینئر بائیں بازو کے رہنما واسودیو نانایاکارا نے کہا کہ ملک میں موجودہ معاشی بحران کی وجہ سے پیدا ہونے والے سیاسی عدم استحکام کو وسط مدتی انتخابات کے ذریعے ختم کیا جانا چاہیے۔سری لنکا میں زرمبادلہ کی کمی کی وجہ سے ایندھن اور کھانا پکانے کی گیس جیسی ضروری اشیا کی قلت پیدا ہوگئی ہے۔ روزانہ 12 سے 12 گھنٹے بجلی بند رہتی ہے۔