تلنگانہ : سیلاب زدہ دیہات میں ہیلتھ کیمپس

موسمی بیماریوں سے متعلق آگاہی‘ بیماریوں سے بچانے کے لیے پلان تیار کرنے کی ہدایت
ڈاکٹرس چوکس رہیں۔: وزیر صحت ٹی ہریش راؤ

 وزیر اعلیٰ تلنگانہ مسٹر کے چندر شیکھر راؤ کی ہدایات پر عمل کرتے ہوئےریاستی وزیر خزانہ، فینانس اور صحت ٹی ہریش راؤ نے ہفتہ کو ضلع صحت کے عہدیداروں اور طبی افسران کے ساتھ ایک جائزہ میٹنگ کی۔اس جائزہ میں جس میں محکمہ صحت و طبی کے پرنسپل سیکرٹری سید علی مرتضیٰ رضوی نے بھی شرکت کی۔

 وزیر موصوف نے بارش اور سیلاب زدہ علاقوں میں متعدی بیماریوں کے پھیلاؤ کو روکنے کے لیے جنگی بنیادوں پر اٹھائے جانے والے اقدامات پر تبادلہ خیال کیا۔ انہوں نے متعلقہ حکام کو سیلاب زدہ دیہات میں ہیلتھ کیمپ لگانے کی ہدایت کی۔

ڈاکٹروں سے بھی کہا گیا کہ وہ دستیاب رہیں اور چھٹیاں نہ لیں۔ وزیر نے ان سے کہا کہ وہ ہیلتھ کیمپوں میں شرکت کریں اور جہاں ضرورت ہو تشخیص اور ضرورت کے مطابق ادویات کی فراہمی کو یقینی بنائیں۔موسمی بیماریاں غالب آنے کا امکان ہے، اس لیے پیشگی انتظامات کیے جائیں۔ہر سطح پر طبی عملہ عوام کے لیے قابل رسائی ہونا چاہیے۔

ریاستی وزیر نے لوگوں کو موسمی بیماریوں سے متعلق آگاہی‘موسمی بیماریوں سے بچانے کے لیے پلان تیار کرنے ‘بیماریوں کے بارے میں شعو ربیدارکرنے، مرض کی تشخیص اور جلد علاج فراہم کرنے کا مشورہ دیا

ہریش راؤ نے اس بات کو یقینی بنانے کا مشورہ دیا کہ ملیریا، ڈینگو اور چکن پاکس پر مکمل قابو پایا جائے۔ جب ایک یا دو مقدمات درج ہوں تو اس علاقے پر خصوصی توجہ دی جائے، جہاں ضرورت ہو وہاں خصوصی کیمپ (میڈیکل کیمپ) لگائے جائیں۔ ماحول کی صفائی نہ ہونے، مچھروں اور مکھیوں کی بھرمار کے باعث بیماریاں پھیلنے کا خدشہ ہے۔ مچھر اور مکھیاں بڑھ کر متعدی بیماریاں پیدا کرتی ہیں۔

وزیر ہریش راؤ نے کہا کہ گوداوری سیلاب اب کم ہو رہا ہے ایسے اقدامات کیے جائیں کہ لوگوں کو علاج معالجے کے سلسلے میں کسی قسم کی مشکلات کا سامنا نہ کرنا پڑے۔ سیلاب سے متاثرہ علاقوں میں کام کرنے والے عہدیداروں کو زیادہ سے زیادہ ڈیوٹی پر رہنے کے لئے پابند کریں

اس موقع پر ریاستی وزیر نے ڈائرکٹر پبلک ہیلتھ ڈاکٹر سرینواس راؤ کو کوٹھا گوڈیم سے اور ڈائرکٹر میڈیکل ایجوکیشن ڈاکٹر رمیش ریڈی کو منچیریال سے کام کرنے اور ریاستی حکومت کے ذریعہ منعقد کیے گئے ہیلتھ کیمپوں اور دیگر اقدامات کے ساتھ تال میل کرنے کو کہا۔