ہماچل پردیش میں بادل پھٹنے سے 11 افراد ہلاک، 3 بچوں سمیت 20 لاپتہ

تازہ خبر قومی
زین نیوز
پنجاب اور ہماچل کو ملانے والا ریلوے پل بہہ گیا۔ مٹی کا تودہ گرنے سے 8 افراد دب گئے، متعدد لاپتہ
نئی دہلی : 20؍اگست
(زیڈ ایم این ایس)
ہماچل پردیش میں موسلادھار بارش نے تباہی مچا دی ہے۔ منڈی اور چمبہ اضلاع سب سے زیادہ متاثر ہوئے ہیں۔ گزشتہ 24 گھنٹوں میں چمبا کے بھٹیات میں تین، منڈی میں چار اور کانگڑا کے شاہ پور میں مکانات گرنے سے نو سالہ بچی کی موت ہو گئی۔جبکہ منڈی کے سراج، گوہر اور ڈرنگ میں بادل پھٹنے کے واقعات میں سات کی موت ہوئی ہے۔ ریاست بھر میں 11 افراد ہلاک ہو چکے ہیں۔ جبکہ 15 سے 20 افراد لاپتہ بتائے جاتے ہیں۔ حمیر پور میں 10 سے 12 گھر دریا میں ڈوب گئے۔ ان میں پھنسے 19 افراد کو بچا لیا گیا۔

دوسری جانب کانگڑا میں شدید بارش کے باعث چکی ندی کے پار پنجاب اور ہماچل کو ملانے والا ریلوے پل بہہ گیا۔ تاہم اس پل کو ایک ہفتہ قبل غیر محفوظ قرار دے کر اگست کے پہلے ہفتہ میں بند کر دیا گیا تھا۔منڈی میں لینڈ سلائیڈنگ، ایک ہی خاندان کے 8 افراد دب گئے، 3 لاشیں نکال لی گئیں۔دوسری جانب باغی کٹولا کے ساتھ ساتھ منڈی ضلع میں بھی رات بھر ہونے والی شدید بارش سے بڑے پیمانے پر نقصان ہوا ہے۔ وادی بلہ زیر آب آگئی ہے اور بھاری نقصان کا خدشہ ہے تینوں NHs اور ضلع کی درجنوں سڑکیں لینڈ سلائیڈنگ کی وجہ سے بند ہیں۔
منڈی کے گوہر میں پہاڑی گرنے سے کاشان پنچایت کے گاؤں جدمان میں ایک ہی خاندان کے آٹھ افراد دب گئے۔ ایک خاتون اور دو بچوں کی لاشیں نکال لی گئی ہیں جبکہ پانچ افراد اب بھی ملبے تلے دبے ہوئے ہیں۔ رات کو پورا خاندان گھر میں سو رہا تھا۔ اس دوران اچانک گھر کے پیچھے پہاڑ گر گیا۔
منڈی کے کٹولا کے باغی نالہ میں کار میں 6 افراد بہہ گئے، 1 لڑکی کی لاش برآمد
، ایک کار اور اس میں سوار 6 افراد سیلاب میں بہہ گئے۔ 15 سالہ لڑکی کی لاش نکال لی گئی ہے جبکہ دیگر کی تلاش جاری ہے۔ دوسری جانب چمبہ ضلع کے چووڑی کے بنت گاؤں میں مٹی کا تودہ گرنے سے تین افراد لاپتہ ہوگئے۔ ریاست کے کئی علاقے ایسے ہیں جہاں سے ابھی تک معلومات دستیاب نہیں ہیں۔ جس کی وجہ سے دوپہر تک جانی و مالی نقصان میں مزید اضافہ ہونے کا خدشہ ہے۔

آئندہ 24 گھنٹوں کے لیے موسلادھار بارش کا الرٹ: مقامی محکمہ موسمیات کے مطابق آئندہ 96 گھنٹوں تک موسلادھار بارش کا سلسلہ جاری رہے گا۔ آج اور کل شدید بارش کے لیے یلو الرٹ جاری کر دیا گیا ہے۔ یہ الرٹ لاہول سپتی کو چھوڑ کر 11 اضلاع کو دیا گیا ہے۔
کانگڑا میں گزشتہ 24 گھنٹوں میں سب سے زیادہ 346.6 ملی میٹر بارش ہوئی : ہماچل میں، کانگڑا ضلع میں گزشتہ 24 گھنٹوں کے دوران سب سے زیادہ 346.6 ملی میٹر بارش ہوئی۔ منڈی میں 119.6 ملی میٹر، ڈلہوزی میں 111 ملی میٹر، پالم پور میں 113 ملی میٹر، سندر نگر میں 77.7 ملی میٹر، دھرم شالہ میں 333 ملی میٹر، بارتھین میں 60، شملہ میں 57.7 ملی میٹر اور کفری میں 69 ملی میٹر بارش ریکارڈ کی گئی۔
منڈی کی ضلعی انتظامیہ نے شدید بارشوں کے باعث سکول بند کر دیے ہیں۔ چمبہ اور کلّو میں بھی کچھ اسکول بند کردیئے گئے ہیں۔
ریاست میں بارش کی وجہ سے 1135 کروڑ روپے کی سرکاری اور نجی املاک تباہ ہو گئی ہیں۔
اس مانسون میں اب تک سڑک حادثات، بادل پھٹنے، سیلاب، لینڈ سلائیڈنگ میں 217 افراد اپنی جانیں گنوا چکے ہیں۔ شملہ ضلع میں سب سے زیادہ 35 لوگوں کی موت ہوئی ہے۔ کولو میں 31 لوگوں کی موت ہو گئی۔
ریاست کے بیشتر دریاؤں پر بنائے گئے ڈیم خطرے کے نشان پر پہنچ چکے ہیں۔ لارجی ڈیم 970 میٹر کے خطرے کے نشان کے مقابلے میں 969 میٹر تک بھر گیا ہے۔ نتھپا ڈیم 1494.5 میٹر کے مقابلے میں 1494 میٹر، سینج 1753 کے مقابلے میں 1752 میٹر، چنجو ایک 1441 کے مقابلے میں 1440.10 میٹر بھرا ہے۔