دہلی کے بار میں خاتون کا ہنگامہ۔ویڈیو وائرل

دہلی میں ایک خاتون نے کلب اور بار کے باؤنسرز پر بدتمیزی کا الزام لگایا تھا۔ خاتون نے دعویٰ کیا تھا کہ بار میں داخلے پر جھگڑے کی وجہ سے اسے اور اس کے دوستوں کو باؤنسروں نے دھکیل دیا اور مارا پیٹا تھا

 اس نے کہا کہ باؤنسرز نے اس کے کپڑے پھاڑ دیئے اور اس کے ساتھ بدتمیزی کی۔ ساؤتھ ایکسٹینشن پارٹ ون ایریا کے کوڈ کے نام پر پیش آنے والے اس واقعہ کے سلسلے میں پولیس نے ایف آئی آر درج کی تھی۔

اپنی پولیس شکایت میں خاتون کے مطابق، وہ اور اس کے دوست دہلی کے ساؤتھ ایکسٹینشن پارٹ 1 میں واقع ایک بار کوڈ گئے تھے، جہاں داخلے کو لے کر ان میں جھگڑا ہوا۔ اس نے الزام لگایا کہ باؤنسر جارحانہ ہو گئے اور انہیں مارا پیٹا۔

تاہم اب اس واقعہ سے متعلق ایک سی سی ٹی وی فوٹیج سامنے آئی ہے جس میں خاتون ہنگامہ برپا کرتی نظر آرہی ہے۔ وہ باؤنسرز پر ناراض ہو جاتی ہے اور فرنیچر کو بھی گرادیتی ہے۔ اس کی چال سے ایسا لگتا ہے کہ وہ نشے میں ہے۔ خاتون نے ابھی تک اس ویڈیو کے حوالے سے کوئی بیان نہیں دیا ہے۔

پولیس نے بتایا کہ یہ واقعہ 18 ستمبر کی دوپہر 2:14 بجے کے قریب پیش آیا، جب انہیں خاتون کا فون آیا۔ پولیس موقع پر پہنچی تو خاتون کے کپڑے پھٹے اور بکھرے پڑے تھے۔

 خاتون نے دعویٰ کیا کہ دو باؤنسر اور بار کے منیجر نے اس کے کپڑے پھاڑ دیے۔ خاتون نے پولیس کو یہ بھی بتایا کہ انہوں نے اسے مارا اور اسے نامناسب طریقے سے چھوا۔ اس کے بعد خاتون کو علاج کے لیے ایمس کے ٹراما سینٹر لے جایا گیا۔

پولیس اس معاملے کی تحقیقات کے لیے فی الحال سی سی ٹی وی کیمرے کی فوٹیج کی جانچ کر رہی ہے۔ اس کے ساتھ ہی پولیس کو ان باؤنسروں کی بھی تلاش ہے، جو فی الحال مفرور ہیں۔

پولیس نے بتایا کہ 2019 میں کوڈ بار میں معائنہ کے لیے آئے محکمہ ایکسائز کےعہدیداروں کو مالک، اس کے بیٹے اور عملے کے ارکان نے کئی گھنٹے تک بار میں رکھا اور ان کے ساتھ مارپیٹ بھی کی۔ اس سلسلے میں سبھی کے خلاف ایکسائز کیس درج کیا گیا تھا۔

دہلی سے متصل گروگرام میں 7 اور 8 اگست کی درمیانی رات کو کاسا ڈانزا کلب کے باہر کچھ باؤنسروں نے لڑکی پر حملہ کیا۔ لڑکی کے دوستوں نے احتجاج کیا تو باؤنسر سب کو سڑک پر لے گئے اور لاٹھیوں سے مارا۔