نئی دہلی :۔11؍اکتوبر
(زیڈ این ایم ایس)
نیشنل انویسٹی گیشن ایجنسی (این آئی اے) دہشت گردی کی فنڈنگ کے معاملے میں جاری تحقیقات کے سلسلے میں جموں اور کشمیر میں متعدد مقامات پر تلاشی لے رہی ہے۔ ذرائع نے منگل کو بتایا کہ الہدی ایجوکیشنل ٹرسٹ کے متعدد مقامات پر چھاپے مارے جا رہے ہیں۔واضح رہے کہ این آئی اے نے الہدی ایجوکیشنل ٹرسٹ کی فنڈنگ کے سلسلے میں ایک کیس درج کیا تھا
این ائی اے کے مطابق الہدیٰ ایجوکیشن ٹرسٹ کی ڈور بھی جماعت اسلامی سے جڑی ہوئی ہے۔نیوز ایجنسی اے این آئی کے مطابق الہدی ایجوکیشنل ٹرسٹ، راجوری کی مشتبہ سرگرمیوں سے متعلق معاملے میں این آئی اے نے جموں و کشمیر کے راجوری، پونچھ، جموں، سری نگر، پلوامہ، بڈگام، شوپیاں اور بانڈی پورہ اضلاع میں چھاپے مارے۔
NIA is conducting searches at multiple locations in Rajouri, Poonch, Jammu, Srinagar, Pulwama, Budgam, Shopian and Bandipora districts of J&K in the case relating to the suspicious activities of Al Huda Educational Trust, Rajouri: Sources
— ANI (@ANI) October 11, 2022
این آئی اے نے الہدی ایجوکیشنل ٹرسٹ کی فنڈنگ پیٹرن اور سرگرمیوں کو مشکوک قرار دیتے ہوئے ایک ایک سوموٹو کیس درج کیا تھا۔ جو جموں و کشمیر کی جماعت اسلامی کے لیے ایک یونٹ کے طور پر کام کر رہی تھی۔ جسے 2019 میں UAPA کے تحت ‘غیر قانونی انجمن قرار دیا گیا تھا۔
یہ الزام ہے کہ مشتبہ افراد جموں و کشمیر میں دہشت گردی کی مالی معاونت میں ملوث تھے۔ جماعت اسلامی، جسے 2019 میں غیر قانونی انجمن قرار دیا گیا تھا، فلاحی مقاصد کے بہانے مختلف شکلوں میں چندہ اکٹھا کرتی رہی۔
یہ رقوم مبینہ طور پر دہشت گرد تنظیموں جیسے حزب المجاہدین، لشکر طیبہ وغیرہ کو وادی کشمیر کے ساتھ ساتھ باقی ہندوستان میں دہشت گردانہ سرگرمیوں کو فروغ دینے کے لیے بھیجی جا رہی تھیں۔ این آئی اے نے یہ مقدمہ 5 فروری 2021 کو درج کیا تھا۔
این آئی اے نے اگست میں چھ مقامات پر چھاپے مارے اور لٹریچر، جماعت اسلامی جموں و کشمیر کی طرف سے جمع کیے گئے فنڈز کی رسیدیں، بینک اور جائیداد سے متعلق دستاویزات، اور الیکٹرانک آلات برآمد کیے۔