طلبہ کا احتجاج ‘ پروفیسر گرفتار اور معطل ۔ یونیورسٹی کی جانب جنسی زیادتی کی مذمت
حیدرآباد:۔3؍ڈسمبر
(زین نیوز ڈیسک)
یونیورسٹی آف حیدرآباد نے اپنے ایک پروفیسر کے ذریعہ ایک طالبہ کے ساتھ مبینہ جنسی زیادتی کی مذمت کی ہے۔ ہفتہ کو جاری کردہ ایک پریس بیان میں یونیورسٹی نے کہا کہ اس نے اس واقعہ کی مذمت کی اور پروفیسر روی رنجن کو مجرمانہ شکایت اور ان کے خلاف ایف آئی آر درج کرنے کے بعد فوری طور پر معطل کر دیا۔
یونیورسٹی آف حیدرآباد کی پریس ریلیز میں کہا گیاکہ یونیورسٹی اس واقعہ کی مذمت کرتی ہے جو پروفیسر روی رنجن، شعبہ ہندی اور ایک طالب علم کے ساتھ 2 دسمبر کو پیش آیا۔ مجرمانہ شکایت اور ایف آئی آر کی بنیاد پر، پروفیسر کو فوری طور پر معطل کر دیا گیا ہے،”
سائبرآباد پولس نے ہفتہ کے روز پروفیسر کو جنسی ہراسانی اور غیر ملکی طالبہ کے ساتھ چھیڑ چھاڑکے الزام میں گرفتار کرلیا۔
ی سی پی مادھا پور کے شلپاولی نے بتایا کہ سائبرآباد پولیس نے حیدرآباد یونیورسٹی کے ایک پروفیسر کو اس وقت حراست میں لے لیا ہے جب ایک طالب علم نے اس کے ساتھ چھیڑ چھاڑ کا الزام لگایا تھا۔ طالب علم کا تعلق تھائی لینڈ سے ہے اور وہ یہاں تعلیم حاصل کر رہی ہے
ڈی سی پی نے مزید کہا۔ پولیس طالب علم کی زبان بولنے والے شخص کو پکڑ کر مزید تفصیلات حاصل کرنے کی امید کر رہی ہے۔ ملزم پروفیسر کے خلاف تعزیرات ہند کی دفعہ 354 اور 354 اے کے تحت مقدمہ درج کیا گیا تھا۔ ڈی سی پی نے کہا، ’’وہ گرفتار ہے اور اسے عدالتی ریمانڈ پر بھیجا جا رہا ہے
Alleged sexual assault of a student | Hyderabad University condemns the incident that occurred involving Prof Ravi Ranjan, Dept of Hindi & a student on Dec 2. Based on the criminal complaint & FIR, the Prof is placed under suspension with immediate effect: Hyderabad University pic.twitter.com/Ngfs0iYaPA
— ANI (@ANI) December 3, 2022
اس سے قبل دن میں یونیورسٹی کے طلباء مرکزی گیٹ پر جمع ہوئے اور متاثرہ کے لیے انصاف کا مطالبہ کرتے ہوئے احتجاج شروع کیا۔ انہوں نے انتظامیہ سے پروفیسر کو معطل کرنے کا بھی مطالبہ کیا۔
ہندی کے پروفیسر روی رنجن کے خلاف تھائی لینڈ سے تعلق رکھنے والی ایک طالبہ نے جنسی زیادتی کا الزام کرتے ہوئے باقاعدہ کچی باؤلی پولیس اسٹیشن میں شکایت درج کروائی ہے۔
اس شکایت کے بعد ایک کیس درج رجسٹر کرتے ہوئے کچھی باؤلی پولیس نے پروفیسر روی رنجن کو گرفتار کرلیا ہے۔ اور پولیس کی سے تفتیش کی جارہی ہے۔
متاثرہ، جو تھائی لینڈ سے ہے اور صرف اپنی مادری زبان میں بات کرتی ہے، مبینہ طور پر پروفیسر نے جمعہ کی شام دیر گئے ایک کتاب شیئر کرنے کے بہانے یونیورسٹی کیمپس کے آس پاس میں واقع اپنی رہائش گاہ پر مدعو کیا۔
اے این آئی کے مطابق، متاثرہ کی طرف سے پولیس میں درج کرائی گئی شکایت کے مطابق پروفیسر اپنی رہائش گاہ پر اکیلا تھا اور اس نے اسے شراب پلا کر صورتحال کا فائدہ اٹھانے کی کوشش کی۔