چار گجراتی پوری قوم پر حکومت کر سکتے ہیں تلگو والے کیوں نہیں

 بی جے پی کے ریاستی صدر بنڈی سنجے پر ان کی سستی اور فرقہ وارانہ سیاست اور ان کا نام منشیات کے گھوٹالوں میں گھسیٹنے پر بے لگام حملے میں ریاستی وزیرآئی ٹی مسٹر کے ٹی راما راؤ نے آج کہا کہ وہ اپنے خون، جلد اور بالوں حتی کہ یہاں تک کہ کسی بھی منشیات کے ٹیسٹ کے لئے گردہ کے نمونے پیش کر نے کیلئے تیار ہیں۔

لیکن اگر اس میں انہیں کلین چٹ  ملتی ہے تو بنڈی سنجے کیا کریم نگر کمان میں اپنے جوتے سے خود کو تھپڑ رسید کرنے کیلئے تیار ہیں۔انہوں نے ان سے سستی سیاست سے باز رہنے کا مطالبہ کرتے ہوئے کہا کہ وہ عوام کے لیے کام کریں۔

سرسلہ میں ایک پریس کانفرنس سے خطاب کرتے ہوئے وزیر موصوف نے نشاندہی کی کہ سنجے کو کریم نگر ایم پی کے طور پر منتخب ہوئے چار سال ہوچکے ہیں، لیکن وہ اس حلقے کیلئے مرکز سے کوئی ایک بھی پراجیکٹ حاصل کرنے میں ناکام رہے ہیں۔ بحیثیت  ایم ایل اے سرسلہ انہوں نے ذاتی طور پر مرکزی حکومت سے رابطہ کرکے ایک میگا پاورلوم کلسٹر کی اپیل کی۔

కరీంనగర్ చౌరస్తాల చెప్పు దెబ్బలకు రెడీనా..బండి ?

We usually don’t talk like BJP leaders, not because we aren’t capable but because we are more responsible.

But at times, it is much need!
Because they take goodness for granted!
– @KTRTRS pic.twitter.com/E7HXwAu1Mg

— YSR (@ysathishreddy) December 20, 2022

اس کے علاوہ، جمی کنٹہ کے لیے ایک ہینڈلوم کلسٹر کی کوشش کی گئی تھی لیکن ایک بھی اپیل پوری نہیں ہوئی ۔فرقہ وارانہ سیاست میں ملوث ہونے پر بی جے پی کے ریاستی صدر کونشانہ بناتہ ہوئے کے ٹی آر نے کہا کہ سنجے کو چاہیے کہ وہ اپنے  معیار ی کام کریں اور ویملواڑا سری راجہ راجیشورا سوامی مندر کی ترقی کے لیے 500 کروڑ روپے کی منظوری حاصل کریں، جسے دکشن کاشی کے نام سے جاتا ہے۔

اگر وہ اس میں کامیاب ہو جاتے ہیں، تو ہم ان کی تعریف کریں گے۔ انہوں نے مزید کہا کہ بی جے پی ایم پی کریم نگر کے مضافات میں تیگال کنٹا میں ایک بھی روڈ اوور برج (RoB) منظور نہیں کرا سکے۔

مقامی لوگ کریم نگر میں آئی آئی آئی ٹی کا مطالبہ کر رہے تھے لیکن بی جے پی کی زیر قیادت مرکزی حکومت نے اس درخواست کو نظر انداز کر دیا، انہوں نے کہا کہ سنجے کو پہلے کریم نگر کی ترقی کیلئے کام کرنا چاہیے اور بعد میں بھینسہ کو اپنانا چاہیے۔

بی آر ایس کے ورکنگ پریزیڈنٹ نے حیرت کا اظہار کیا کہ بی آر ایس کے قومی سیاست میں قدم رکھنے پر بی جے پی لیڈران کیوں پریشان ہیں۔ انہوں نے سوال کیا کہ چار گجراتی پوری قوم پر حکومت کر سکتے ہیں لیکن تلنگانہ والوں کو قومی سیاست میں کیوں نہیں آنا چاہیے؟

انہوں نے مزید کہا کہ ٹی آر ایس کو پورے ملک میں تلنگانہ میں اچھے کام کی نقل کرنے کے واحد ارادے سے بی آر ایس میں تبدیل کیا گیا ہے۔

بی آر ایس کے فلاپ شو ہونے کے بیان پر بی جے پی کے رکن پارلیمنٹ کے لکشمن کو نشانہ بناتے ہوئے راما را ؤنے پوچھا کہ اگر تلنگانہ ماڈل فلاپ ہے تو مہاراشٹر کے 14 گاؤں تلنگانہ کے ساتھ انضمام کا مطالبہ کیوں کر رہے ہیں۔

یہاں تک کہ منتخب عوامی نمائندوں بشمول بی جے پی ایم ایل ایز نے کرناٹک میں تلنگانہ کے فلاحی اور ترقیاتی پروگراموں پر عمل آوری یا تلنگانہ کے ساتھ انضمام کا مطالبہ کیا ۔ انہوں نے کہا کہ یہ بہت زیادہ گھمنڈ والی ڈبل انجن گورننس کے بارے میں تلخ سچائی تھی۔