مہاراشٹر میں بس اور ٹرک میں تصادم۔10 ہلاک متعددزخمی،

 تمام زخمیوں کو ہسپتال میں داخل کرایا گیا ہے۔ پولیس کے مطابق جاں بحق ہونے والوں میں 6 خواتین، 2 مرد اور 2 بچے شامل ہیں۔ زخمیوں میں سے بعض کی حالت انتہائی تشویشناک بتائی جاتی ہے۔

پولیس نے بتایا کہ مہلوکین کی تعداد 10 ہے جن میں 6 خواتین، 2 مرد اور 2 بچے شامل ہیں۔ جبکہ اس حادثے میں 20 افراد زخمی ہوئے ہیں۔ پولیس کے مطابق کئی زخمیوں کی حالت انتہائی تشویشناک ہے جس کی وجہ سے ہلاکتوں میں اضافہ ہوسکتا ہے۔ زخمیوں کا سنار کے مقامی ہسپتال میں علاج کیا جا رہا ہے۔ جبکہ شدید زخمیوں کو پونے ریفر کیا جا رہا ہے۔

ناسک پولیس کے مطابق حادثہ صبح تقریباً 7 بجے پیش آیا۔ سائی بابا کے عقیدت مندوں سے بھری بس تھانے ضلع کے امبرناتھ سے شرڈی جا رہی تھی۔

اس دوران ناسک ضلع کی سنار تحصیل کے پاٹھارے گاؤں کے قریب وہ ایک ٹرک سے ٹکرا گیا۔ ناسک-شرڈی شاہراہ پر اس حادثے میں دس افراد ہلاک اور متعدد زخمی ہو گئے۔