238مسافر اور عملے کے سات ارکان سوار تھے
نئی دہلی:۔21؍جنوری
(زین نیوزویب ڈیسک)
روسی دارالحکومت ماسکو سے گوا جانے والی چارٹرڈ پرواز کو بم کی دھمکی کے بعد ازبکستان کی طرف موڑ دیا گیا ہے۔معلومات کے مطابق یہ ازور ایئر کا چارٹرڈ طیارہ ہے جو روس کے پرم انٹرنیشنل ایئرپورٹ سے گوا کے لیے روانہ ہوا تھا۔
اس طیارے میں 238 مسافر اور عملے کے سات ارکان سوار ہیں۔ مسافروں میں دو نومولود بچوں کے بارے میں بھی اطلاعات موصول ہوئی ہیں۔
عہدیدار نے بتایا کہ پرواز، AZV2463، کو ہندوستانی فضائی حدود میں داخل ہونے سے پہلے ہی موڑ دیا گیا تھا۔ اسے صبح 4.15 بجے گوا کے دابولم ہوائی اڈے پر اترنا تھا۔
ایک عہدیدار نے پی ٹی آئی کو بتایا، "اس کا رخ اس وقت موڑ دیا گیا جب صبح 12.30 بجے ڈابولیم ہوائی اڈے کے ڈائریکٹر کی طرف سے ایک ای میل موصول ہوئی جس میں طیارے میں بم نصب کیے جانے کا ذکر کیا گیا تھا۔”
گیارہ گیارہ دنوں میں ماسکو۔گوا فلائٹ پر بم کی دھمکی کا یہ دوسرا واقعہ ہے ۔ 9 جنوری کو، ماسکو سے گوا جانے والی ایک چارٹر پرواز نے 244 مسافروں اور عملے کے ساتھ جام نگر میں ہنگامی لینڈنگ کی جب گوا ایئر ٹریفک کنٹرول کو ایک ای میل موصول ہوئی جس میں بین الاقوامی پرواز میں بم کا خطرہ تھا۔