مسلم خواتین طلاق کے لیے صرف فیملی کورٹ سے رجوع کر سکتی ہیں

شریعت کونسل نہ تو عدالتیں ہیں اور نہ ہی ثالث شادی کو منسوخ کرنے کے مجاز ہیں۔ اس لیے جو عورت قانونی طور پر طلاق لینا چاہتی ہے اسے فیملی کورٹ سے رجوع کرنا چاہیے۔ یہ مشورہ مدراس ہائی کورٹ نے ایک کیس پر فیصلہ سناتے ہوئے دیا ہے۔عدالت نے قرار دیا کہ پرائیویٹ اداروں کی جانب سے جاری کردہ خلع سرٹیفکیٹ قانون میں غلط ہیں۔

مدراس ہائی کورٹ ایک کیس کی سماعت کر رہی تھی جس میں سال 2017 میںنے چنئی میں تامل ناڈو توحید جماعت شریعت کونسل کی طرف سے ایک شخص کو طلاق کا سرٹیفکیٹ دیا گیا تھا۔ عدالت نے نوٹ کیا کہ "اگرچہ مسلم پرسنل لاء (شریعت) قانون کے تحت تسلیم شدہ ‘خلع’ کے ذریعہ ایک مسلم خاتون طلاق حاصل کرنے کے اپنے حق کا استعمال کرنے کے لئے آزاد ہے، لیکن یہ صرف فیملی کورٹ کے ذریعہ کیا جاسکتا ہے۔” "

جج نے یہ ہدایت ایک شخص کی درخواست کی سماعت کے دوران جاری کی جس میں عدالت سے 2017 میں شریعت کونسل سے حاصل کردہ خلع سرٹیفکیٹ کو منسوخ کرنے کا مطالبہ کیا گیا تھا۔

درخواست گزار نے یہ بھی دعویٰ کیا کہ شریعت کونسل، جو تمل ناڈو سوسائٹیز رجسٹریشن ایکٹ 1975 کے تحت رجسٹرڈ ہے، کو اس طرح کے سرٹیفکیٹ جاری کرنے کا کوئی اختیار نہیں ہے۔ اس نے عدالت کو یہ بھی بتایا کہ اس نے 2017 میں ازدواجی حقوق کی بحالی کے لیے ایک پٹیشن دائر کی تھی اور ایک فریقی حکم نامہ بھی حاصل کیا تھا

عدالت نے درخواست گزار اور شریعت کونسل کو سنا کیونکہ درخواست گزار کی اہلیہ نے غیر حاضر رہنے کا انتخاب کیا اور وہ ذاتی طور پر یا وکیل کے ذریعے حاضر نہیں ہوئی۔

جج نے مزید کہا کہ فیملی کورٹس ایکٹ 1984 کے سیکشن 7(1)(b) کے تحت صرف ایک عدالتی فورم کو شادی کو تحلیل کرنے کا حکم نامہ پاس کرنے کا اختیار دیا گیا تھا۔

جسٹس شیوارامن نے یہ بھی کہا کہ مدراس ہائی کورٹ نے بدر سعید بمقابلہ یونین آف انڈیا (2017) کیس میں قاضیوں کو خلع سرٹیفکیٹ جاری کرنے سے روک دیا تھا۔

مدراس ہائی کورٹ کے جج سی سراوانن نے ایک خاتون کو قانونی طلاق حاصل کرنے کے لیے فیملی کورٹ یا تامل ناڈو لیگل سروسز اتھارٹی سے رجوع کرنے کی ہدایت کی۔ جج نے کہا کہ کوئی بھی خود ساختہ ادارہ طلاق کا سرٹیفکیٹ جاری نہیں کر سکتا۔ ۔ اس نے فیصلہ دیا ہے کہ پرائیویٹ اداروں کی طرف سے جاری کردہ خلع سرٹیفکیٹ قانون میں غلط ہیں۔

درخواست گزار نے یہ بھی دعویٰ کیا کہ "عدالتی نظام جیسے ‘خلع’ یا ‘فتویٰ’ کے احکامات کی کوئی قانونی حیثیت نہیں ہے۔ اسے کوئی خانگی ادارہ یا کوئی شخص نافذ نہیں کر سکتا۔

اس معاملے پر مقامی لوکل کونسل نے کہا کہ کیرالہ ہائی کورٹ نے ایسے معاملے میں شریعت کے فیصلے کو برقرار رکھا ہے۔ اس پر مدراس ہائی کورٹ نے کہا کہ کیرالہ ہائی کورٹ نے یکطرفہ طلاق کے فیصلے میں مسلم خاتون کے حقوق کو برقرار رکھا ہے۔

 کیرالہ ہائی کورٹ نے خانگی اداروں کی حمایت نہیں کی ہے۔ عدالت نے کہا کہ ’’شریعت کونسل جیساخانگی ادارہ خلع کے ذریعے طلاق کا سرٹیفکیٹ جاری نہیں کرسکتا‘‘۔ ایک سیکشن کا حوالہ دیتے ہوئے عدالت نے کہا کہ شادی کو تحلیل کرنے کا حق صرف فیملی کورٹ کو ہے۔