راہول گاندھی کے خلاف اب آر ایس ایس نے دائر کیا ہتک عزت کا مقدمہ

سرنام کیس میں دو سال کی سزا سنائے جانے اور پارلیمنٹ کی رکنیت کھونے کے بعد بھی راہول گاندھی کی مشکلات کم نہیں ہو رہی ہیں۔

 راشٹریہ سویم سیوک سنگھ نے ان کے ’21ویں صدی کے کورو’ کے بیان پر ہریدوار کی ایک عدالت میں ان کے خلاف ہتک عزت کی شکایت درج کرائی ہے۔راہول گاندھی کے خلاف دفعہ 499 اور 500 کے تحت مقدمہ درج کیا گیا ہے۔

آر ایس ایس کارکن کمل بھدوریا کے وکیل نے کہا کہ ان کے موکل نے راہول گاندھی کے خلاف تعزیرات ہند (آئی پی سی) کی دفعہ 499 اور 500 کے تحت آر ایس ایس کے خلاف نازیبا تبصرہ کرنے پر عدالت میں شکایت درج کرائی ہے۔

راہول گاندھی نے بھارت جوڑو یاترا کے دوران آر ایس ایس پر متنازع بیان دیا۔کانگریس لیڈر راہول گاندھی نے اس سال 9 جنوری کو ہریانہ میں بھارت جوڑو یاترا کے دوران الزام لگایا تھا کہ 21ویں صدی کے کوراو خاکی ہاف پتلون پہنتے ہیں اور ‘شاخیں چلاتے ہیں۔ ملک کے دو تین امیر ترین لوگ ان کے ساتھ کھڑے ہیں۔

Defamation complaint against Rahul Gandhi for his "21st century Kauravas" remark on RSS

Read @ANI Story | https://t.co/E0DkrJKKWk#Defamation #RahulGandhi #Congress #RSS pic.twitter.com/DhHT4QpH6r

— ANI Digital (@ani_digital) April 1, 2023

جج شیو سنگھ نے راہول گاندھی کو 12 اپریل 2023 کو پیشگی سماعت کے لیے حاضر ہونے کو کہا ہے۔ خبر رساں ایجنسی اے این آئی سے بات کرتے ہوئے بھدوریا کے وکیل نے کہا کہ راہول گاندھی  نے آر ایس ایس کا موازنہ 21ویں صدی کے کوراووں سے کیا ہے۔

 اس کی بے ہودہ گفتگو ہی اس کی ذہنیت کو عیاں کرتی ہے۔ آر ایس ایس ایک ایسی تنظیم ہے کہ جب بھی ملک میں کوئی آفت آتی ہے تو مدد کے لیے آگے آتی ہے۔

اہم بات یہ ہے کہ راہول گاندھی کو حال ہی میں سورت کی ایک عدالت نے مودی سرنام کے ریمارک کے لیے دائر مجرمانہ ہتک عزت کے مقدمے میں قصوروار ٹھہرایا اور دو سال کی سزا سنائی۔ سزا سنائے جانے کے بعد راہول گاندھی کو لوک سبھا کے رکن پارلیمنٹ کے طور پر نااہل قرار دے دیا گیا تھا۔