مدھیہ پردیش میں انسانیت کو داغدارکرنے والا واقعہ ۔بربریت کا ویڈیو منظر عام پر

 پرمدھیہ پردیش کے سدھی ضلع میں شراب کے نشے دھت بی جے پی کے ایک کارکن نے دماغی طور پر معذور قبائلی نوجوان پر پیشاب کر دیا۔ اس کی ویڈیو سوشل میڈیا پر وائرل ہو رہی ہے۔ یہ ویڈیو 9 دن پرانی بتائی جا رہی ہے جو کہ کبری بازار کی ہے۔

 ملزم پرویش شکلا کبری کا رہنے والا ہے۔ وہ سدھی ضلع سے بی جے پی رکن اسمبلی پنڈت کیدارناتھ شکلاکے نمائندے رہے ہیں۔سدھی کے ایس پی رویندر ورما نے ٹویٹ کر کے بتایا کہ سوشل میڈیا پر وائرل ہونے والے ویڈیو کی تحقیقات کے بعد ملزم پرویش شکلا کے این ایس اے کے تحت مقدمہ درج کر لیا گیا ہے۔

پولیس نے اس کے والد، ماں اور بیوی کو تھانے بلایا اور پوچھ گچھ کی۔ افرادنے اس واقعہ کے بارے میں کوئی علم ہونے سے انکار کیا ہے

وزیر اعلیٰ شیوراج سنگھ چوہاننے کہا کہ ملزم کو کسی بھی قیمت پر بخشا نہیں جائے گا۔ اس کے خلاف سخت ایکشن لیں گے۔ ملزم پر این ایس اے (نیشنل سیکورٹی ایکٹ) بھی لگایا جائے گا۔

پی سی سی چیف کمل ناتھ نے کہا کہ سدھی ضلع میں ایک قبائلی نوجوان پر پیشاب کرنے کی بربریت کا ویڈیو منظر عام پر آیا ہے۔ وزیر اعلیٰ نے ٹویٹ کر کے کہا – میں نے انتظامیہ کو ہدایت دی ہے کہ مجرموں کے خلاف ایسی کارروائی کی جائے جو ایک مثال قائم کرے۔ مجرموں کی نہ ذات ہوتی ہے نہ مذہب۔ مجرم کا تعلق کسی جماعت سے نہیں ہوتا، مجرم صرف مجرم ہوتا ہے

 ایک قبائلی نوجوان کے ساتھ اس طرح کی گھناؤنی اور گھٹیا حرکت کی مہذب معاشرے میں کوئی جگہ نہیں ہے۔ مدھیہ پردیش پہلے ہی قبائلی مظالم میں پہلے نمبر پر ہے۔ اس واقعہ نے پورے مدھیہ پردیش کو شرمندہ کر دیا ہے۔

میں وزیر اعلیٰ سے مطالبہ کرتا ہوں کہ قصوروار کو سخت سے سخت سزا دی جائے اور مدھیہ پردیش میں قبائلیوں پر مظالم کو ختم کیا جائے۔مدھیہ پردیش یوتھ کانگریس کے ریاستی صدر ڈاکٹر وکرانت بھوریا نے کہا کہ شیوراج حکومت میں قبائلیوں پر سب سے زیادہ مظالم ڈھائے گئے ہیں۔ ان میں صرف بی جے پی لیڈر ہی کیوں شامل ہیں؟ یہ قبائلیوں کے تئیں بی جے پی کی ذہنیت کو ظاہر کرتا ہے۔

رکن اسمبلی کیدارناتھ شکلا نے ملزم پرویش شکلا کو بی جے پی کارکن ماننے سے انکار کردیا۔ اس پر کانگریس کے سابق ریاستی صدر ارون یادو نے ایک خط ٹویٹ کیا جس میں پرویش شکلا کو بی جے پی ڈویژنل نائب صدر مقرر کیا گیا ہے۔

 یادو نے لکھاکہ یہ تقرری خط ان لوگوں کے لیے ہے جو کہہ رہے ہیں کہ پرویش شکلا بھارتیہ جنتا پارٹی کے رکن نہیں ہیں۔ وہ بھارتیہ جنتا یووا مورچہ کے منڈل نائب صدر ہیں، ساتھ ہی ایم ایل اے کیدارناتھ شکلا نے انہیں اپنا نمائندہ بنایا ہے۔

شرابی نوجوان بی جے پی ایم ایل اے کا نمائندہ پرویش شکلا بتایا جا رہا ہے۔ تاہم ایم ایل اے کیدارناتھ شکلا نے ملزم کا ایم ایل اے نمائندہ بننے سے انکار کردیا ہے۔

ساتھ ہی اس معاملے میں ملزم کے گھر پر بلڈوزر چلانے کی تیاریاں کی جا رہی ہیں۔ حالانکہ ابھی بلڈوزر کی کارروائی شروع نہیں ہوئی۔ پولیس کی بھاری نفری ملزم کے گھر پہنچ گئی۔