پیشاب کرنے والے پرویش شکلا کے گھر پر کانگریس قائدین کا دھرنا
پورے گھر پر بلڈوزر چلانے کا مطالبہ
بھوپال:۔6؍جولائی
(زین نیوز ڈیسک)
مدھیہ پردیش کے سدھی میں ذہنی طور پر معذور ایک قبائلی پر پیشاب کرنے کے معاملے پر سیاست گرم ہو گئی ہے۔ بدھ کو انتظامیہ نے ملزم بی جے پی لیڈر پرویش شکلا کے گھر میں توڑ پھوڑ کی۔
کانگریس قائدین رات کو ملزم کے گھر پر دھرنے پر بیٹھ گئے۔ ملزم کے گھر کو مکمل منہدم کرنے کا مطالبہ کر رہے ہیں۔ کانگریس نے دعویٰ ہے کہ ملزم کا تعلق بھارتیہ جنتا پارٹی سے ہےاسی لیے مکان کو مکمل منہدم نہیں کیا گیاصرف 400 مربع فٹ میں بنے غیر قانونی حصے کو منہدم کر دیا گیا ہے۔مکمل گھر پر بلڈوزر چلانا چاہیے
بدھ کی شام کو کانگریس لیڈر اور سابق وزیر کملیشور پٹیل اور اپوزیشن کے سابق لیڈر اجے سنگھ پارٹی کے کئی عہدیداروں اور کارکنوں کے ساتھ کبری سے متصل گاؤں میں ملزم کے گھر پہنچے۔ وہ رات گئے تک وہاں احتجاج کرتے رہے۔
کانگریس لیڈروں کا کہنا ہے کہ ہم یہاں احتجاج کے لیے پہلے سے موجود ہیں۔ اس لیے بی جے پی والے یہاں نہ آئیں۔ کانگریس کا مطالبہ ہے کہ ملزم کے گھر کو ادھورا منہدم کیا گیا ہے اسے مکمل طور پر گرا دینا چاہیے۔
احتجاج کر رہے سابق وزیر اور کانگریس لیڈر کملیشور پٹیل نے کلکٹر کو فون کیا اور کہا کہ معاملہ آگے بڑھ سکتا ہے، آپ آکر حالات کو سنبھالیں۔
سدھی سے بی جے پی رکن اسمبلی کیدار شکلا اور پارٹی کے دیگر لیڈر بھی متاثرہ کے گھر پہنچے۔ وزیراعلیٰ شیوراج سنگھ چوہان آج دوپہر 2 بجے وزیراعلیٰ ہاؤس میں متاثرہ قبائلی خاندان سے ملاقات کریں گے۔ سدھی ضلع انتظامیہ نے خاندان کو بھوپال بھیج دیا ہے۔
دونوں جماعتوں کے رہنماؤں نے متاثرہ خاندان سے ملاقات کی۔ اس سے پہلے ملزم بی جے پی کارکن پرویش شکلا کو منگل کی دیر رات گرفتار کیا گیا تھا۔ اس پر این ایس اے لگا دیا گیا ہے۔ بدھ کو اسے ڈسٹرکٹ کورٹ میں پیش کیا گیا، جہاں سے اسے جیل بھیج دیا گیا۔
ا