بالاسور ٹرین حادثہ: سی بی آئی نےریلوے کے 3 عہدیداروں کو ثبوتوں کو تباہ کرنے، مجرمانہ قتل کے الزام میں گرفتا ر کیا

تازہ خبر قومی
زین نیوز
بالاسور ٹرین حادثہ: سی بی آئی نےریلوے کے 3 عہدیداروں کو ثبوتوں کو تباہ کرنے، مجرمانہ قتل کے الزام میں گرفتا ر کیا
نئی دہلی:۔7؍جولائی
(زین نیوز ڈیسک)
سنٹرل بیورو آف انویسٹی گیشن (سی بی آئی) نے اڈیشہ ٹرین سانحہ سے متعلق کیس میں ریلوے کے تین عہدیداروں کو ثبوتوں کو تباہ کرنے اور مجرمانہ قتل کے الزام میں گرفتار کیا ہے۔
سی بی آئی نے جمعہ کو اڑیسہ کے بالاسور میں گزشتہ ماہ پیش آنے والے ٹرپل ٹرین حادثے کے سلسلے میں تین ریلوے ملازمین کو گرفتار کیا ہے۔ ان میں سینئر سیکشن انجینئر ارون کمار موہنتا، سیکشن انجینئر محمد عامر خان اور ٹیکنیشن پپو کمار شامل ہیں۔جو تمام ملزمان بالاسور ضلع میں تعینات تھے
سی بی آئی کے عہدیداروں نے پی ٹی آئی کو بتایا کہ تینوں کو آئی پی سی کی دفعہ 304 (مجرم قتل نہ کہ قتل) اور 201 (ثبوت کو تباہ کرنا) کے تحت گرفتار کیا گیا ہے۔
سی بی آئی کی تحقیقات کے نتائج کے مطابق یہ بات سامنے آئی ہے کہ ملزم ریلوے ملازمین بھی ثبوتوں کی چھیڑ چھاڑ میں ملوث تھے۔ گرفتار ملزمان کو مجاز عدالت میں پیش کیا جائے گا اور سی بی آئی تحویل کا مطالبہ کرے گی۔

تینوں پر مجرمانہ قتل کے الزامات کا سامنا ہے۔ اس حادثے میں 293 سے زائد افراد ہلاک اور ایک ہزار سے زائد زخمی ہوئے۔ذرائع کا کہنا ہے کہ حادثہ ان تینوں کی غفلت کے باعث پیش آیا۔ ذرائع کا یہ بھی دعویٰ ہے کہ تینوں ملزمان جانتے تھے کہ ان کی غفلت کسی بڑے حادثے کو جنم دے سکتی ہے۔
کمشنر آف ریلوے سیفٹی (CRS) نے حادثے کی تحقیقات کرتے ہوئے گزشتہ ہفتہ اس حادثے کے لیے سگنلنگ ڈیپارٹمنٹ کے عملے کی جانب سے انسانی غلطی کو ذمہ دار ٹھہرایا تھا۔
بالاسور ریل حادثے کی سی آر ایس تحقیقاتی رپورٹ نے واضح کیا ہے کہ اس حادثے کے لیے کئی سطحوں پر سگنل اور ٹیلی کام ڈپارٹمنٹ کی کوتاہی ذمہ دار ہے۔
اگر سگنل سرکٹ ڈایاگرام میں خرابی نہ ہوتی تو 293 مسافر جان کی بازی ہار نہ جاتے۔ مستقبل میں اس کی وجہ سے حادثات کو روکنے کے لیے سی آر ایس نے 14 نکات پر اپنی سفارش پیش کی ہے۔
 واضح رہے کہ2 جون کو، سب سے پہلے، چنئی جانے والی کورومنڈیل ایکسپریس اوڈیشہ کے بالاسور کے بہناگا بازار اسٹیشن پر ایک مال ٹرین سے ٹکرا گئی۔
اس کے بعد، اس کے کچھ ڈبے پٹری سے اتر گئے اور بنگلورو۔ہاؤڑا ٹرین کے آخری دو ڈبوں سے ٹکرا گئے جو ملحقہ ٹیکوں پر چل رہی تھی۔ اس ٹرین کی کچھ بوگیاں بھی پٹری سے اتر گئیں۔
تخریب کاری کا امکان پیدا ہونے کے بعد تحقیقات سی بی آئی کو سونپ دی گئی۔