وندے بھارت سمیت تمام ٹرینوں کے کرایوں میں 25 فیصد کمی کی جائے گی

وندے بھارت ایکسپریس سمیت تمام ٹرینوں کے اے سی چیئر کار اور ایگزیکٹو کلاس کے کرایوں میں 25 فیصد تک کی کمی کی جائے گی۔ یہ اطلاع ریلوے بورڈ نے آج دی ہے۔

ریل خدمات کے زیادہ سے زیادہ استعمال کو مدنظر رکھتے ہوئے، وزارت ریلوے نے ریلوے ڈویژنوں کے پرنسپل چیف کمرشل منیجرز کو اے سی سیٹ ٹرین کے کرایوں میں رعایت دینے کا اختیار دینے کا فیصلہ کیا ہے۔

۔ یہ رعایتی نرخ صرف ان ٹرینوں پر لاگو ہوں گے جن میں پچھلے 30 دنوں کے دوران صرف 50 فیصد سیٹیں بھری گئی تھیں۔ ان میں وندے بھارت، انوبھوتی اور وسٹادوم بوگیوں والی ٹرینیں شامل ہیں۔

ریلوے وندے بھارت ایکسپریس کا کرایہ کم کرنے پر غور کر رہا ہے۔ اس کی وجہ یہ ہے کہ ریلوے عام لوگوں کو وندے بھارت ایکسپریس ٹرین تک رسائی کے قابل بنانا چاہتا ہے۔ اس کے ساتھ یہ اطلاع بھی ملی کہ کچھ مختصر فاصلے کی وندے بھارت ایکسپریس ٹرینوں کی سیٹیں پوری طرح سے نہیں بھری جا رہی ہیں۔

Fares of AC chair car, executive classes of all trains, including Vande Bharat, to be reduced by up to 25 pc: Rly Board

— Press Trust of India (@PTI_News) July 8, 2023

ریلوے کرایہ کا جائزہ لے رہا تھا اور آج ریلوے نے اس کا اعلان کیا ہے۔ تاہم ابھی تک یہ معلوم نہیں ہوسکا ہے کہ کرایہ میں کتنی کمی کی جائے گی۔

ایسے میں اگر آپ بھی اکثر ٹرین سے سفر کرتے ہیں تو یہ آپ کے لیے کسی اچھی خبر سے کم نہیں ہے۔ پی ٹی آئی کے ٹویٹ کے مطابق انڈین ریلوے نے کرایوں میں 25 فیصد تک کمی کا اعلان کیا ہے۔ اس سے ٹرین میں سفر کرنے والوں کو بڑی راحت ملے گی۔

واضح رہے کہ یہ کٹوتی AC چیئر کار اور تمام ٹرینوں کے ایگزیکٹو کلاس کے کرایے پر لاگو ہوگی۔ ریلوے بورڈ کے حکم میں سیمی ہائی سپیڈ ٹرین وندے بھارت کا کرایہ کم کرنے کی بات کہی گئی ہے۔

ریلوے بورڈ کے حکم میں کہا گیا ہے کہ یہ اسکیم اے سی چیئر کار اور انوبھوتی اور وسٹادوم بوگیوں سمیت اے سی سیٹوں والی تمام ٹرینوں کی ایگزیکٹو کلاس میں لاگو ہوگی۔ کہا گیا ہے کہ بنیادی کرایہ پر رعایت زیادہ سے زیادہ 25 فیصد تک ہو سکتی ہے۔

 دیگر چارجز جیسے ریزرویشن فیس، سپر فاسٹ سرچارج، جی ایس ٹی اضافی وصول کیے جا سکتے ہیں۔ مسافروں کی تعداد کے لحاظ سے کسی بھی کلاس یا تمام کلاسوں میں رعایت دی جا سکتی ہے۔