دہلی :  شادی کی پیشکش ٹھکرانے پر طالبہ کا قتل

دہلی کے ایک پارک میں ایک لڑکے نے کالج کی طالبہ (لڑکی) پر لوہے کی راڈ سے حملہ کر کے اسے ہلاک کر دیا۔ پولیس نے ملزم عرفان کو گرفتار کر لیا ہے۔ عرفان نے بتایا کہ انہوں نے نرگس کو شادی کی پیشکش کی تھی لیکن اس نے انکار کر دیا۔

نرگس کے گھر والے اس کی شادی مجھ سے کرانے کو تیار نہیں تھے۔ اسی لیے نرگس نے مجھ سے بات کرنا بھی چھوڑ دیا۔ میں نے آج اسے پارک میں ملنے کے لیے بلایا اور غصے میں آکر نرگس کو مار ڈالا۔ انڈیا ٹوڈے نے اپنی رپورٹ میں یہ جانکاری دی ہے۔

جنوبی دہلی کے پارک ڈی سی پی چندن چودھری نے بتایا کہ نرگس کی نعش بنچ کے نیچے پڑی تھی- واقعہ کی اطلاع جمعہ کو 12.08 بجے ملی۔ بتایا گیا کہ مالویہ نگر کے شیوالک اے بلاک کے وجے منڈل پارک میں ایک شخص نے لڑکی کے سر پر لوہے کی سلاخ سے حملہ کیا۔ واقعہ کے بعد وہ موقع سے فرار ہو گیا ہے۔

پولیس ٹیم موقع پر پہنچی تو نرگس کی نعش پارک میں ایک بینچ کے نیچے پڑی تھی۔ اس کے سر سے خون بہہ رہا تھا، لاش کے پاس لوہے کی سلاخ پڑی تھی۔ نرگس کملا نہرو کالج کی طالبہ تھیں۔ اس کی نعش کو پوسٹ مارٹم کے لیے بھیج دیا گیا ہے۔

ملزم عرفان (28 سال) سنگم وہاردہلی کا رہنے والا ہے۔ واقعہ کے فوراً بعد اسے گرفتار کر لیا گیا۔دہلی میں 24 گھنٹوں میں دوسرا قتل کا معاملہ پیش آیا۔

رینو کا جمعرات کو دہلی میں گولی مار کر قتل کر دیا گیا۔ اس کے بعد ملزم آشیش نے گولی مار کر خودکشی کر لی۔ پولیس کا کہنا ہے کہ ملزم اور خاتون پہلے سے ایک دوسرے کو جانتے تھے۔

دہلی خواتین کمیشن کی چیئرپرسن سواتی مالیوال نے اس واقعہ پر افسوس کا اظہار کیا ہے۔ انہوں نے ٹویٹر پر لکھا – دہلی میں جہاں ایک خاتون کو اس کے گھر کے باہر گولی مار کر ہلاک کر دیا گیا

وہیں دوسری طرف مالویہ نگر جیسے پوش علاقے میں ایک لڑکی کو چھڑی سے مارا گیا۔ دہلی انتہائی غیر محفوظ ہے۔ اس سے کسی کو کوئی فرق نہیں پڑتا۔ اخباری خبروں میں لڑکیوں کے نام بدلتے ہیں، جرائم نہیں رکتے۔

#WATCH | Malviya Nagar murder | The accused has been arrested by Delhi Police. pic.twitter.com/PCtE7xcl59

— ANI (@ANI) July 28, 2023