کانگریس ورکنگ کمیٹی کی تشکیل نو ۔ ملکارجن کھرگے نے39 اراکین کا اعلان کیا
گاندھی خاندان کے علاوہ ڈگ وجے سنگھ،ششی تھرور ،سچن پائلٹ اور دیگر شامل
نوجوت سنگھ سدھو نظر انداز
نئی دہلی:۔20؍اگست
(زین نیوز ڈیسک)
ملکارجن کھرگے کے صدر کا عہدہ سنبھالنے کے بعد کانگریس نے اتوار کو پہلی بار اپنی اعلیٰ ترین فیصلہ سازی کرنے والی باڈی کانگریس ورکنگ کمیٹی تشکیل دی۔ نئی کانگریس ورکنگ کمیٹی میں 39 ممبران شامل ہیں اور اس کی تشکیل اہم اجلاس سے مہینوں پہلے کی گئی ہے
ملکارجن کھرگے نے آخر کار 39 ارکان کے ساتھ ایک اعلیٰ طاقتی پینل تشکیل دیا اتوار (20 اگست) کو کانگریس ورکنگ کمیٹی (CWC) کا اعلان کیا۔ 39 ارکان کی اس کمیٹی میں سونیا گاندھی، راہول گاندھی اور پرینکا گاندھی شامل ہیں۔ ساتھ ہی سابق وزیر اعظم منموہن سنگھ (90) کو بھی کمیٹی میں برقرار رکھا گیا ہے۔
کھرگے نے اپنے خلاف انتخاب لڑنے والے ششی تھرور کو بھی ورکنگ کمیٹی میں شامل کیا ہے۔ کانگریس ورکنگ کمیٹی میں کل 84 نام ہیں۔ ان میں سی ڈبلیو سی کے ارکان، مستقل مدعو جنرل سکریٹری، خصوصی مدعو اور انچارجز کے نام شامل ہیں۔
مدھیہ پردیش کےڈگ وجے سنگھ اور کملیشور پٹیل، آنجہانی اندراجیت پٹیل کے بیٹے، وندھیاس کے او بی سی لیڈر اور کرمی پٹیل برادری کے سابق وزیر کو سی ڈبلیو سی میں جگہ ملی ہے۔ وِندھیا علاقے میں پٹیل برادری فیصلہ کن رہی ہے۔ مندسور کی سابق ایم پی میناکشی نٹراجن کو مستقل مدعو کیا گیا ہے۔
ملکا ارجن کھرگے کی کانگریس ورکنگ کمیٹی میں راجستھان کے سابق ڈپٹی سی ایم سچن پائلٹ سمیت 7 لیڈروں کو جگہ دی گئی ہے۔ سچن پائلٹ کو اب یہ عہدہ جولائی 2020 کے بعد دیا گیا ہے۔ راجستھان سے واحد وزیر مہندرجیت مالویہ کو ممبر بنایا گیا ہے۔ کور CWC کے 39 اراکین میں، راجستھان کے ممبران میں سچن پائلٹ، سابق ایم پی جتیندر سنگھ، آبی وسائل کے وزیر مہندرجیت سنگھ مالویہ اور ابھیشیک منو سنگھوی شامل ہیں
چھتیس گڑھ سےکانگریس ورکنگ کمیٹی یں، صرف تمرادھوج ساہو کا نام چھتیس گڑھ سے ہے۔ تمرادھوج ساہو پارٹی کا او بی سی چہرہ ہیں جنہوں نے 2014 کے لوک سبھا انتخابات میں مودی لہر میں درگ لوک سبھا سیٹ جیتی تھی
پنجاب کےسابق وزیر اعلی چرنجیت سنگھ چنی کو کانگریس ہائی کمان نے سی ڈبلیو سی کے ممبر کے طور پر شامل کیا ہے۔ سابق ایم پی امبیکا سونی اور ایم پی منیش تیواری کو بھی جگہ دی گئی ہے۔ پنجاب کانگریس کے سابق صدر نوجوت سنگھ سدھو کو سی ڈبلیو سی میں جگہ نہیں ملی۔ سدھو خود کو راہول گاندھی اور پرینکا گاندھی کا قریبی بتاتے رہے ہیں
ہریانہ کےراجیہ سبھا ایم پی دیپندر ہڈا کو مستقل مدعو کے طور پر سی ڈبلیو سی میں شامل کیا گیا ہے۔ ساتھ ہی رندیپ سنگھ سرجے والا اور کماری سیلجا، جو ہڈا دھڑے کے سخت مخالف ہیں کو سی ڈبلیو سی میں بطور ممبر جگہ دی گئی ہے۔
ہریانہ کانگریس کی سابق صدر کماری سیلجا اس وقت چھتیس گڑھ کی انچارج ہیں، جب کہ رندیپ سرجے والا پارٹی کے راجیہ سبھا ایم پی ہیں اور ہائی کمان کے بہت قریب سمجھے جاتے ہیں۔ ہائی کمان نے کرن چودھری کو سی ڈبلیو سی میں جگہ نہیں دی