بنارس ہندو یونیورسٹی کے آئی آئی ٹی میں بندوق کی نوک پر طالبہ کا جنسی استحصال

بنارس ہندو یونیورسٹی کے آئی آئی ٹی میں بندوق کی نوک پر طالبہ کا جنسی استحصال
3 نوجوانوں نے لڑکی کے کپڑے اتار کر ویڈیو بنائی، ہزاروں طلبہ کا احتجاج، کیمپس بند، انٹرنیٹ معطل

 ایک چونکا دینے والے واقعے میں بنارس ہندو یونیورسٹی آئی آئی ٹی کی ایک طالبہ کو اس کے ہاسٹل کے قریب تین موٹرسائیکل سوار مردوں نے مبینہ طور پر چھیڑ چھاڑ کی لڑکی کوبندوق کی نوک پرروکا پھر اسے زبردستی چومنے کے بعد اس کے کپڑے اتارنے پر مجبور کیا۔

اس کی ویڈیو بنانا شروع کر دی۔ واقعے کے خلاف طلبہ سڑکوں پر نکل آئے۔یہ واقعہ بی ایچ یو کیمپس میں کرمن بابا مندر سے تقریباً 300 میٹر دور ایگریکلچر فارم کے قریب صبح ڈیڑھ بجے کے قریب پیش آیا۔

 جمعرات کی صبح تقریباً 2500 طلباء نے راجپوتانہ ہاسٹل کے سامنے احتجاج کیا۔ اس کے بعد پورے کیمپس میں احتجاج کی ہوا پھیل گئی۔ کچھ ہی دیر میں ہزاروں طلباء احتجاج میں شامل ہو گئے۔

طلباء نے احتجاج کرتے ہوئے پورا کیمپس بند کر دیا۔ کلاسز اور لیبز میں تحقیقی کام بھی روک دیا گیا۔ پورے کیمپس کی انٹرنیٹ سروس بند کر دی گئی ہے۔ دریں اثنا، پولیس نے لنکا پولیس اسٹیشن میں اس معاملے میں ایف آئی آر درج کی ہے۔

متاثرہ طلبہ کی طرف سے درج کرائی گئی شکایت کے مطابق وہ بدھ کی رات ایک دوست کے ساتھ باہر گئی ہوئی تھی۔ وہ کرمن بابا مندر کے قریب تھے کہ تین افراد موٹر سائیکل پر وہاں آئے اور اسے زبردستی ایک کونے میں لے گئے مجھے زبردستی بوسہ دیامیرے تمام کپڑے اتار دیے، اور تصاویر اور ویڈیوز ریکارڈ کیں۔

 جب میں نے مدد کے لیے آواز دی تو انہوں نے مجھے جان سے مارنے کی دھمکی دی۔ انہوں نے مجھے 10-15 منٹ بعد جانے دیا۔”

 اس نے مزید کہاکہ جب میں اپنے ہاسٹل کی طرف بھاگی تو میں نے موٹر سائیکل کی آواز سنی۔ اس کے بعدمیں ایک پروفیسر کی رہائش گاہ پر چھپ گئی، جو مجھے سیکوریٹی حکام کے پاس لے گیا

"वी वांट जस्टिस! वी वांट जस्टिस!"

हाथों में पोस्टर लेकर कैंपस में नारे लगाते ये कोई सड़कछाप लड़के नहीं, IIT-BHU के छात्र हैं।

इनका आरोप है कि आये दिन कैंपस के अंदर लड़कियों के साथ छेड़खानी होती है।

आखिर यह छेड़खानी कौन करता है?

BHU प्रशासन उन पर कार्रवाई क्यों नहीं करता?… pic.twitter.com/9trqPEtWIx

— UP Congress (@INCUttarPradesh) November 2, 2023

اس واقعہ کے بعد یوپی کانگریس نے بھی متاثرہ کے لیے انصاف کا مطالبہ کیا۔ X پر پارٹی کے آفیشل اکاؤنٹ جو پہلے ٹویٹر تھا، نے ایک ویڈیو پوسٹ کی جس میں کئی طلباء کو احتجاج کرتے ہوئے دکھایا گیا ہے۔

پولیس نے بتایا کہ خاتون کی شکایت کی بنیاد پر تعزیرات ہند کی دفعہ 354 (عورت پر حملہ یا اس کی عزت کو مجروح کرنے کے ارادے سے مجرمانہ طاقت) اور لنکا پولیس اسٹیشن میں آئی ٹی ایکٹ کی دفعات کے تحت ایف آئی آر درج کی گئی ہےانہوں نے کہا کہ ملزمان کی شناخت کے لیے کوششیں کی جا رہی ہیں۔

اس دوران یونیورسٹی بھی حرکت میں آگئی۔ انسٹی ٹیوٹ کے تازہ احکامات میں کہا گیا ہے کہ کیمپس کے تمام گیٹ رات 10 بجے سے صبح 5 بجے تک بند رکھے جائیں۔

بنارس ہندو یونیورسٹی ۔بی ایچ یو میں ہیومینیٹیز کے ریسرچ اسٹوڈنٹ دیپک راٹھور نے کہاکہ اب تک کا سب سے بڑا گھناؤنا جرم یکم نومبر کی رات کو ہوا ہے۔ لڑکی کی ایک فحش ویڈیو بھی بنائی گئی ہے۔ رات میں انتہائی ظلم کیا گیا

 بنارس ہندو یونیورسٹی انتظامیہ، پروکٹوریل بورڈ اور ڈائریکٹر کی طرف سے ابھی تک کوئی جواب نہیں دیا جا رہا ہے۔ ممکن ہے کہ اس جگہ کے سی سی ٹی وی فوٹیج کے ساتھ بھی چھیڑ چھاڑ کی جا رہی ہو۔

 ادارے کی طالبات کے ساتھ چھیڑ چھاڑ کی جا رہی ہے۔ ہر روز ادارے کے حکام اس پر خاموش ہیں۔ ہم چاہتے ہیں کہ کیمپس مکمل طور پر بند کر دیا جائے۔

احتجاجی طلبہ ڈائریکٹر کے دفتر کے سامنے دھرنے پر بیٹھے ہیں۔ ان کا کہنا ہے کہ جب تک ملزمان گرفتار نہیں ہوتے ہم حرکت میں نہیں آئیں گے۔ اس دوران پولیس اہلکاروں کے ساتھ زبردست جھگڑا ہوا۔

طلباء ڈائریکٹر کو بلانے کے مطالبے پر ڈٹے ہوئے ہیں۔ اس دوران بھیلوپور اے سی پی نے پورے کاشی زون سے فورس بلانے کا حکم دیا ہے۔