تلنگانہ:حضور آباد کے بی آر ایس امیدوار نے انتخابات میں شکست پر بیوی اور بیٹی کے ساتھ خودکشی کرلینے کی دھمکی دی

تلنگانہ میں انتخابات ‘ انتخابی تناؤ انتخابی مہم کے آخری دن اپنے عروج پر پہنچنے کے ساتھ حضور آباد سے بی آر ایس امیدوار پاڈی کوشک ریڈی نے کہا کہ اگر وہ تلنگانہ اسمبلی انتخابات میں ہار گئے تو وہ خود کو مار ڈالیں گے۔

 انتخابات کی الٹی گنتی بھی شروع ہو گئی ہےاورانتخابی مہم آج شام پانچ بجے ختم ہوگئی ہے، بی آر ایس امیدوار نے یہ ڈرامائی بیانات اس وقت دیے جب ومنگل کو کملا پور منڈل ہیڈکوارٹر میں انتخابی مہم چلاتے ہوئےحلقہ کے لوگوں سے انہیں ووٹ دینے کی اپیل کر رہے تھے۔

کوشک ریڈی کاسنسنی خیز تبصرہ سوشل میڈیا پرمنظر عام پر آیا ایک ویڈیو تیزی کے ساتھ وائرل ہوریا ہے جس میں کوشک ریڈی یہ کہتے ہوئے سنائی دے رہے ہیں ووٹرز کو یہ فیصلہ کرنا ہوگا کہ وہ آشیرواد اور ووٹ دیں تو  3 دسمبر کے بعد میری جیترا یاترا جیت کا جشن کے لیے آئیں گےبصورت دیگر 4 تاریخ کو سب کو ان کی آخری رسومات کے لیے آئیںگےناکامی پر خاندان کے تین افراد خودکشی کر لیں گے۔

Huzurabad #BRS MLA candidate Padi Kaushik Reddy said he would commit suicide if people did not elect him#TelanganaAssemblyElections2023 pic.twitter.com/IqYSt0aBra

— Sudhakar Udumula (@sudhakarudumula) November 28, 2023

کوشک ریڈی نے  جذباتی ہو کر کہاکہ ہماری زندگی آپ کے ہاتھ میں ہے ‘کیا آپ مجھے آشیرواد دیں گےہم جیتیں گےبصورت دیگرہم تینوں لاشیں دیکھ پائیں گے۔میرے خاندان کی زندگی عوام کے ہاتھ میں ہے۔

یہ عوام پر منحصر ہے کہ وہ میرے خاندان کو زندہ چاہتے ہیں یا مردہ ۔بعد ازاں وہ 28 نومبر بروز منگل اپنی ریلی میں بی آر ایس کے ورکنگ صدر کے ٹی راما راؤ کے ساتھ شامل ہوئے۔

کوشک ریڈی کے رائے دہندوں سے اپیل کرنے کا طریقہ ان کے مخالفین کی طرف سے تنقید کا نشانہ بنایا ہے، جنہوں نے مبینہ طور پر کہا کہ بی آر ایس لیڈر ووٹروں کو ان کے حق میں ووٹ دینے پر مجبور کرنے کی کوشش میں دھمکی دے رہے ہیں۔پیڈی کوشک ریڈی کے تبصروں پر مخالفین الیکشن کمیشن میں شکایت درج کرنے کا منصوبہ بنا رہے ہیں۔

حضور آباد مقابلہ

حضور آباد حلقہ میں کل ووٹروں کی تعداد 2,44,514 ہے، جہاں کوشک ریڈی کا مقابلہ بی جے پی کے ایٹالہ راجندر اور کانگریس کے ووڈیتلا پرناؤ سے ہوگا۔

کوشک ریڈی پہلے کانگریس کے ساتھ تھے اور کانگریس کے ٹکٹ پر 2018 کے حضور آباد اسمبلی انتخابات میں حصہ لیا تھا، ایٹالہ سے ہار گئے تھے جنہوں نے بی آر ایس سے مقابلہ کیا تھا۔ بعد میں ایٹالہ بی جے پی میں شامل ہو گئے۔

کوشک ریڈی نے 2021 میں حضور آباد ضمنی انتخاب سے پہلے بی آر ایس میں  چھلانگ لگا دی جب وہ ایک وائرل آڈیو کلپ پر کانگریس کے ساتھ مشکل میں پڑ گئے۔

کلپ میں تجویز کیا گیا تھا کہ اس نے مبینہ طور پر بی آر ایس کارکنوں کو بی آر ایس کے منتخب امیدوار ہونے کا دعوی کرتے ہوئے ضمنی انتخابات میں اپنے حق میں ووٹ دینے کے لیے متحرک کرنے کی کوشش کی تھی۔

ایٹالہ راجندر نے تلنگانہ اسمبلی انتخابات 2018 میں حضور آباد حلقہ سے بی آر ایس کو 1,04,840 ووٹ حاصل کرتے ہوئے کامیابی حاصل کی، جب کہ کانگریس کے کوشک ریڈی پاڈی کے حق میں 61,121 ووٹ پڑے۔

تلنگانہ میں بی آر ایس، کانگریس اور بی جے پی کے درمیان سہ رخی مقابلہ دیکھنے میں آئیگا ۔ اس بارکانگریس کے ریونت ریڈی اور بی جے پی کے ایٹالہ راجندر دو حلقوں – کاماریڈی اور گجویل میں بی آر ایس صدر کے سی آر کے خلاف میدان میں اتر رہے ہیں۔

تلنگانہ میں 30 نومبر کو پولنگ ہوگی جبکہ ووٹوں کی گنتی 3 دسمبر کو ہوگی۔