مدھیہ پردیش:  چلتی ٹرین میں خاتون کی عصمت دری، ملزم گرفتار

مدھیہ پردیش اسمبلی انتخابات کے انعقاد کے ضمن  پولیس فورس کے  لئے  چلائی جانے والی ٹرین میں ایک خاتون کی عصمت دری کا معاملہ سامنے آیا ہے۔

یہ واقعہ اتوار کی دیر رات کٹنی اور ستنا کے درمیان بتایا جا رہا ہے۔ ٹرین پولیس فورس کو چھوڑ کر خالی لوٹ رہی تھی۔ اس دوران  متاثرہ خاتون  کافی دیر تک پکاریا اسٹیشن پر کھڑا رہی۔ اس کے بعد خاتون ٹرین میں سوار ہوئی اور ملزم نے اسے پکڑ لیا۔

متاثرہ نے بتایا کہ مجھے اچھرہ جانا تھا۔ ٹرین پکڑنے کے لیے پکاریا اسٹیشن پہنچ گئی۔ میں اسٹیشن پر گھوم رہی تھی جب میں نے اس ٹرین کو وہاں کھڑا دیکھا۔ ٹرین خالی تھی اس لیے میں اس میں سوار ہو گی۔ ٹرین کچھ دیر اسٹیشن پر کھڑی رہی پھر میں بیت الخلاء چلی گئی۔ ملزم پیچھے سے وہاں آیا۔ میں نہیں دیکھ سکی کہ یہ کون تھا۔

 اس نے مجھے اپنے ساتھ ٹوائلٹ میں بند کر دیا۔ اسی دوران ٹرین چلنے لگی۔ اس نے پہلے مجھے مارا اور پھر  زبردستی کرنا شروع کر دیا۔ میں نے چیخ ماری لیکن وہاں کوئی سننے والا نہیں تھا۔

 اس نے میری عصمت دری کی۔ پھر جب ٹرین ستنا اسٹیشن پر رکی تو انہوں نے مجھے ٹرین سے باہر پھینک دیا اور گیٹ بند کر دیا۔ یہاں میں نے جی آر پی تھانے پہنچ کر شکایت کی۔

پولیس کے مطابق ٹرین 30 منٹ تک اسٹیشن پر کھڑی رہی لیکن جی آر پی بوگی کا گیٹ نہیں کھول سکی۔ ستنا سے نکلنے کے بعد پولیس نے ریوا سے پہلے بگائی میں ٹرین کو روک دیا۔

ملزم کے خلاف پہلے ہی کئی مقدمات درج ہیں۔ملزم کملیش اس وقت گایتری نگر، کٹنی میں رہتا ہے۔ وہ کٹنی سے ایک دوسری ٹرین سے پکاریا اسٹیشن آیا۔

پکاریا میں خاتون کو خالی ٹرین میں سوار ہوتے دیکھ کر وہ بھی اس میں سوار ہو گیا۔ جی آر پی کے مطابق ملزم کے خلاف پہلے ہی کئی مقدمات درج ہیں۔ اس کے خلاف وارنٹ جاری ہیں۔