گجرات حکومت کے فیصلے کو کالعدم قرار دینے پر سے خواتین میں اعتماد بحال
تلنگانہ کی آئی اے ایس آفیسر سمیتا سبھروال کا سپریم کورٹ کے فیصلے پر ردعمل
تلنگانہ کی آئی اے ایس آفیسر سمیتا سبھروال کا سپریم کورٹ کے فیصلے پر ردعمل
حیدرآباد:۔8 ؍جنوری
(زین نیوز)
تلنگانہ کی آئی اے ایس آفیسر سمیتا سبھروال نے بلقیس بانو عصمت دری کیس میں سپریم کورٹ کے فیصلے پر ردعمل ظاہر کیا۔ انہوں نے سپریم کورٹ کی طرف سے بلقیس بانو عصمت دری کیس کے ملزمین کو رہا کرنے کے گجرات حکومت کے فیصلے کو کالعدم قرار دینے پر خوشی کا اظہار کیا۔
سمیتا سبھروال نےپیر کو سوشل میڈیا پلیٹ فارم X( ٹویٹر) پراپنےٹویٹ میں لکھا کہ ‘کئی دنوں کے بعد اچھی خبر آئی ہے۔ نہ صرف بلقیس بانو بلکہ تمام خواتین میں اعتماد پیدا کرنے کے لیے سپریم کورٹ کا شکریہ
واضح رہے کہ سپریم کورٹ نے پیر کو بلقیس بانو ریپ کیس میں سنسنی خیز فیصلہ سنایا۔ سپریم کورٹ نے اس معاملے میں 11 ملزمان کو رہا کرنے کے گجرات حکومت کے حکم کو مسترد کر دیا۔ مزید یہ کہ ملزمان کو دو ہفتوں میں سرنڈر کرنے کا حکم دیا گیا۔
اس کیس میں سپریم کورٹ کے فیصلے پر ملک بھر میں خوشی کا اظہار کیا جا رہا ہے۔ سپریم کورٹ کے فیصلے پر متعلقہ سیاسی جماعتوں کے رہنما اور دیگر سرکردہ افراد خوشی کا اظہار کر رہے ہیں
Best news in a long time !
Thankyou #SupremeCourtofIndia for upholding the faith of not only #BilkisBano but women across ! #RuleOfLaw pic.twitter.com/PlxfbBVIcd— Smita Sabharwal (@SmitaSabharwal) January 8, 2024
/div>
2002 کے گودھرا فسادات کے دوران بلقیس بانو نامی خاتون کے ساتھ اجتماعی عصمت دری کی گئی تھی اور اس کے خاندان کے افراد کو بے دردی سے قتل کر دیا گیا تھا۔ گجرات حکومت نے اس کیس کے 11 ملزمان کو اچھے برتاؤ پر جلد رہا کر دیا۔
اس اقدام کو ملک بھر میں تنقید کا نشانہ بنایا جا رہا ہے۔ متاثرہ بلقیس بانو نے اس فیصلے کی شدید مخالفت کی۔ انہوں نے حکومت کے فیصلے کو چیلنج کرتے ہوئے سپریم کورٹ سے رجوع کیا۔ درخواست کی متعدد بار سماعت کرنے والے بنچ نے گجرات حکومت کے احکامات کو مسترد کرتے ہوئے ملزم کو دوبارہ جیل میں خودسپردگی کا حکم دیا۔