ملکارجن کھرگے اپوزیشن اتحاد انڈیاکے صدر مقرر

 اپوزیشن اتحاد انڈیا کا 5واں اجلاس عملی طور پر ہفتہ کے روز منعقد ہوا۔ اس میٹنگ میں 10 جماعتوں کے سینئر لیڈروں نے شرکت کی۔ اس میٹنگ میں یوپی کے سابق وزیر اعلی اکھلیش یادو، ممتا بنرجی اور ادھو ٹھاکرے نے شرکت نہیں کی۔

 میٹنگ میں کانگریس کے قومی صدر ملکارجن کھرگے کو اپوزیشن اتحاد انڈیا کا صدر مقرر کیا گیا ہے۔ا س کا باضابطہ اعلان ہونا ابھی باقی ہے۔ذرائع کے مطابق بہار کے وزیر اعلی نتیش کمار کو کنوینر بنانے کی تجویز پیش کی گئی تھی جسے نتیش نے مسترد کر دیا ہے۔

 اس کی تصدیق بہار کے وزیر سنجے جھا نے بھی کی۔ تقریباً دو گھنٹے تک جاری رہنے والی اس میٹنگ میں سیٹوں کی تقسیم پر بھی تبادلہ خیال کیا گیا۔

بتایا جا رہا ہے کہ اس میٹنگ میں بہار کے سی ایم نتیش کمار نے کہا کہ انہیں کسی عہدے میں کوئی دلچسپی نہیں ہے۔ انہوں نے کہا کہ ہم چاہتے ہیں کہ اتحاد آگے بڑھے، یہ ضروری ہے کہ اتحاد قائم رہے اور اتحاد زمین پر بڑھتا رہے۔ ماہرین کے مطابق نتیش کمار کے اس فیصلے کو اتحاد میں اختلافات کے طور پر دیکھا جا رہا ہے۔

لوک سبھا انتخابات کے بارے میں پوار نے کہا کہ اتحاد کو ووٹ مانگنے کے لیے کوئی ایک چہرہ پیش کرنے کی ضرورت نہیں ہے۔ کیونکہ لیڈر کوئی بھی ہو سکتا ہے۔ یہ انتخاب نتائج کے اعلان کے بعد کیا جائے گا۔

انڈیا بلاک کی 5ویں میٹنگ میں اکھلیش، ممتا اور ادھو نے فاصلہ رکھا۔راشٹریہ جنتا دل سے لالو پرساد یادو اور تیجسوی یادو، جنتا دل یونائیٹڈ سے نتیش، لالن سنگھ اور سنجے جھا، دراوڑ منیترا کزگم سے ایم کے اسٹالن، کمیونسٹ پارٹی (مارکسسٹ) سے سیتارام یچوری، کمیونسٹ پارٹی آف انڈیا کے ڈی راجہ، جھارکھنڈ مکت مورچہ کے ہیمنت سورین اور عام آدمی پارٹی کے اروند کیجریوال نے شرکت کی۔

 اس کے ساتھ ہی مغربی بنگال کی وزیر اعلیٰ ممتا بنرجی اور سماج وادی پارٹی کے سربراہ اکھلیش یادو میٹنگ سے دور رہے۔ ادھو ٹھاکرے نے اس میٹنگ میں شرکت نہیں کی۔

کھرگے نے اتحادی جماعتوں کو نیا ئےیاترا میں شامل ہونے کی دعوت دی۔انڈیا بلاک کے لیڈروں نے آج آن لائن ملاقات کی اور اتحاد پر بامعنی بات چیت کی۔

سب خوش ہیں کہ سیٹوں کی تقسیم پر بات چیت مثبت انداز میں آگے بڑھ رہی ہے۔ ہم نے تمام جماعتوں کو ان کی سہولت کے مطابق بھارت جوڑو نیا یاترا میں شامل ہونے کی دعوت دی ہے۔