ہندوستان اور عمان کا پہلا ٹکراؤ۔ کمزور سمجھی جانے والی ٹیم نے دیا سخت مقابلہ

ہندوستان اور عمان کی کرکٹ ٹیمیں پہلی بار کسی فارمیٹ میں ایک دوسرے کے مدمقابل آئیں۔ کاغذ پر دونوں ٹیموں کا کوئی موازنہ نہیں تھا۔ ایک طرف دنیا کی نمبر 1 ٹیم ہندوستان، دوسری طرف 20ویں نمبر پر موجود عمان۔ ہندوستانی ٹیم بہترین بلے بازوں، گیند بازوں اور آل راؤنڈروں پر فخر کرتی ہے، جبکہ عمان کے کھلاڑیوں کے نام تک زیادہ تر شائقین کے لیے اجنبی ہیں۔

 اس لیے یہ تاثر تھا کہ ہندوستان کی جیت یقینی ہے۔تاہم، میدان میں صورتِ حال مختلف رہی۔ اگرچہ عمان کو 21 رنز سے شکست کا سامنا کرنا پڑا، لیکن اس نے پورے 40 اوورز تک ہندوستانی کھلاڑیوں کو جم کر کھیلنے پر مجبور کیا۔ اسی ٹورنامنٹ میں ہندوستانی ٹیم نے پاکستان کو 35 اوورز میں اور متحدہ عرب امارات کو محض 17 اوورز میں شکست دی تھی، لیکن عمان جیسی نسبتاً کمزور سمجھی جانے والی ٹیم نے مقابلہ کر کے سب کو حیران کر دیا۔

 میچ کے دوسرے ہی اوور میں ہندوستان کی پہلی وکٹ گر گئی۔ شبمن گل، جو بین الاقوامی کرکٹ اور آئی پی ایل میں جارحانہ کھیل کے لیے مشہور ہیں، عمان کے 28 سالہ لیفٹ آرم سوئنگ بولر شاہ فیصل کی شاندار گیند پر بولڈ ہو گئے۔ گل صرف 5 رنز بنا سکے۔

 ابھیشیک شرما نے 15 گیندوں پر برق رفتار 38 رنز بنائے لیکن وہ بھی زیادہ دیر نہ چل سکے اور جیتن رامنندی کی گیند پر وکٹ کیپر ونائک شکلا کے ہاتھوں کیچ ہو گئے۔اس کے بعد ہندوستانی بلے باز رن ریٹ تیز کرنے میں ناکام رہے۔ پوری ٹیم مقررہ اوورز میں 8 وکٹوں پر صرف 188 رنز بنا سکی۔

 سنجو سیمسن نے سب سے زیادہ 56 رنز کی اننگز کھیلی، جبکہ کپتان سوریہ کمار یادیو میدان میں نہ اترے تاکہ زیادہ کھلاڑیوں کو موقع دیا جا سکے۔عمان کی شاندار مزاحمتہندوستانی باؤلنگ اٹیک میں ارشدیپ سنگھ، ہرشیت رانا، کلدیپ یادو اور اکسر پٹیل جیسے نام شامل تھے۔ باوجود اس کے عمانی ٹیم نے پورے 20 اوورز کھیل کر 167 رنز بنائے اور صرف 4 کھلاڑی آؤٹ ہوئے۔

عامر کلیم نے آل راؤنڈ کارکردگی دکھاتے ہوئے 64 رنز بنائے اور گیند بازی میں 2 وکٹیں بھی حاصل کیں۔ حماد مرزا نے 51 اور کپتان جتندر سنگھ نے 32 رنز اسکور کیے۔ عمان کا مجموعی اسکور ہندوستان سے صرف 21 رنز کم رہا، جو ایک بڑی کامیابی سمجھی جا رہی ہے۔

ہندوستان کی شاندار فتوحات کا پس منظریکم جنوری 2024 سے لے کر اب تک ہندوستانی ٹیم دنیا کی سب سے کامیاب T20 ٹیم رہی ہے۔ اس دوران کھیلے گئے 34 میچوں میں سے 31 میں جیت حاصل کی، یعنی کامیابی کی شرح 91 فیصد رہی۔ اسی عرصے میں ہندوستان نے عالمی چیمپئن کا تاج بھی اپنے سر سجایا۔

عمانی ٹیم کا پس منظرعمانی ٹیم زیادہ تر ہندوستان اور پاکستان نژاد کھلاڑیوں پر مشتمل ہے۔ اس میچ میں بھی پانچ ہندوستانی نژاد کھلاڑی شامل تھے، جن میں ٹیم کے کپتان جتندر سنگھ بھی شامل تھے۔