مرکزی حکومت اور سوشل میڈیا ہدایات پر جاری تنازعہ
نئی دہلی :28؍جون
(زین نیوز؍ایجنسیز)
مرکزی حکومت کی نئی سوشل میڈیا ہدایات پر جاری تنازعات رکنے کا نام نہیں لے رہے ہیں۔ پارلیمنٹ کی قائمہ کمیٹی برائے انفارمیشن اینڈ ٹکنالوجی نے فیس بک اور گوگل انڈیا کے نمائندوں کو 29 جون کو طلب کیا ہے۔
پارلیمنٹ کی قائمہ کمیٹی سوشل میڈیا اور او ٹی ٹی پلیٹ فارم کے لئے جاری کردہ رہنما خطوط کے سلسلے میں منگل کو فیس بک انڈیا اور گوگل انڈیا کے نمائندوں کے ساتھ میٹنگ کرنے جارہی ہے۔ اجلاس میں کمپنیوں کے نمائندوں سے انکی رائے سنی جائے گی
اجلاس میں شہریوں کے حقوق کے تحفظ اور سوشل آن لائن نیوز میڈیا پلیٹ فارم کے غلط استعمال کی روک تھام کے بارے میں ان کے خیالات پر تبادلہ خیال کیا جائے گا۔ اس کے ساتھ ساتھ ، ڈیجیٹل پلیٹ فارم پر خواتین کی حفاظت کے بارے میں ایک خصوصی گفتگو ہوگی۔
یہ اجلاس کل شام 4 بجے سے ہوگا۔ اس کے علاوہ اگلے ماہ کے لئے بھی ایک میٹنگ طے کی گئی ہے ، جو منگل 6 جولائی کو شام 4 بجے ہوگی۔ فیس بک انڈیا نےکانگریس کے رکن پارلیمنٹ ششی تھرور کی سربراہی میں پارلیمانی اسٹینڈنگ کمیٹی کے زیر اہتمام اجلاسوں میں شرکت کرنے سے انکار کردیا ہے ، جس کا مقصد لوگوں کے حقوق کے تحفظ اور سماجی آن لائن نیوز میڈیا پلیٹ فارم کے غلط استعمال کو روکنا ہے۔
قابل ذکر ہے کہ اس سے قبل فیس بک انڈیا کے نمائندوں نے قائمہ کمیٹی کو بتایا تھا کہ وبائی مرض کوویڈ 19 کے دوران کمپنی کی پالیسی کے مطابق ان کے ممبران کمیٹی کے سامنے اجلاس میں ذاتی طور پرحاضر نہیں ہوسکتے ہیں۔