گھوٹالے کے بہانے دہلی حکومت کو گرانے کی سازش ‘اروند کیجریوال

دہلی کے وزیر اعلی اور عام آدمی پارٹی کے قومی کنوینر اروند کیجریوال نے جمعہ کو اسمبلی میں کہا کہ ذاتی مفادات کی وجہ سے اب دہلی حکومت کو گرانے کی کوششیں کی جا رہی ہیں۔ اروند کیجریوال نے کہا کہ بھارتیہ جنتا پارٹی کے لوگوں نے مل کر دہلی حکومت کو گرانے کی سازش کی ہے۔

انہوں نے کہا کہ جب تک وہ دہلی حکومت اقتدار میں رہے گی، وہ اچھا کام کرتے رہیں گے۔ تمام ملک دشمن طاقتیں دہلی کی عاپ حکومت کے خلاف اکٹھی ہو گئی ہیں، ہماری سب سے مقبول حکومت ہے، یہ طاقتیں ہمیں توڑنا چاہتی ہیں لیکن ہمارے تمام ایم ایل اے ساتھ ہیں۔ وہ گجرات انتخابات تک ہمارے خلاف جھوٹے مقدمات بنائیں گے

Delhi | All anti-national forces have come together against Delhi's AAP govt, ours is the most popular govt, these forces want to break us but all our MLAs are together. They'll fabricate false cases against us till Gujarat polls: Delhi CM & AAP national convenor Arvind Kejriwal pic.twitter.com/jIAnh4wDmG

— ANI (@ANI) August 26, 2022

وزیر اعلی اروند کیجریوال نے کہا کہ بی جے پی کے لوگوں نے منیش سسودیا پر جھوٹا الزام لگایا۔ بی جے پی پر حملہ جاری رکھتے ہوئے سی ایم کیجریوال نے کہا کہ چند سالوں میں انہوں نے اب تک کئی ریاستوں سے 277 ایم ایل اے خریدے ہیں۔انہوں نے الزام لگایا ہے کہ بی جے پی ان کے ایم ایل ایز کو 20 کروڑ میں خریدنے کی کوشش کر رہی ہے۔ دہلی میں 20 کروڑ کا ریٹ تھا۔ اگر 1 ایم ایل اے کو 20 کروڑ میں خریدا جائے تو 277 ایم ایل اے پر 5500 کروڑ روپے خرچ ہوئے ہیں۔ دہلی کے لیے مبینہ طور  800 کروڑ روپے کی پیش کش کو نشانہ بنایا اور کہاکہ، کل 6300 کروڑ روپے، یہ پیسہ کہاں سے آیا؟

 کیجریوال نے کہا کہ سی بی آئی کو منیش سسودیا کے گھر پر 14 گھنٹے کے چھاپے کے دوران ایک پیسہ بھی نہیں ملا، چھاپے کی قیمت بھی پوری نہیں ہو سکی۔یہاں تک کہ میرے نائب منیش سسودیا کی رہائش گاہ کے گدوں اور دیواروں کی بھی سی بی آئی نے تلاشی لی لیکن ایک پیسہ بھی نہیں ملا۔ سی بی آئی کے چھاپوں کے ایک دن بعد، سیسوڈیا کو بی جے پی نے وزیر اعلیٰ کے عہدے کی پیشکش اور دھوکہ دینے کے لیے رابطہ کیا۔ میں خوش قسمت ہوں کہ سسوڈیا ہیں، جنہیں وزیر اعلیٰ کے عہدے کا کوئی لالچ نہیں ہے

 اروند کیجریوال نے دہلی اسمبلی میں کہا کہ لیفٹیننٹ گورنر نے اب ہمارے اسکولوں کی جانچ شروع کردی ہے، وہ اسکولوں اور ہسپتالوں میں ہونے والے اچھے کام کو روکنا چاہتے ہیں

 اروند کیجریوال نے کہا کہ بی جے پی کا گجرات قلعہ خطرے میں ہے اور ٹوٹ رہا ہے۔ انہوں نے کہا کہ آئندہ گجرات اسمبلی انتخابات کی وجہ سے ای ڈی، سی بی آئی کے ذریعہ ہم پر چھاپے مارے جارہے ہیں اور ہمیں نشانہ بنایا جارہا ہے۔