ایودھیا میں بی جے پی ۔ایس پی حامیوں میں جھڑپ، فائرنگ اور توڑ پھوڑ

تازہ خبر قومی
زین نیوز

آمنے سامنے ہونے پر دونوں فریقین کے درمیان یکدم کشیدگی
ایس پی امیدوار باہوبلی ابھے سنگھ گرفتار
ایودھیا :19؍فروری
(اے ایم این ایس)
اتر پردیش اسمبلی انتخابات میں سیاسی ماحول گرما ہوا ہے۔ اسی وقت انتخابات کے تیسرے مرحلے سے پہلے جمعہ کی رات دیر گئے ایودھیا سے ایک بڑی خبر سامنے آئی ہے۔ایودھیا کی گوسائی گنج اسمبلی سیٹ سے سماج وادی پارٹی کے امیدوار ابھے سنگھ کو گرفتار کر لیا گیا ہے۔ معلومات کے مطابق انہیں صبح 4 بجے گھر سے گرفتار کیا گیا۔

مہاراج گنج تھانہ علاقہ کے کبیر پور چوراہے پر دونوں فریقوں کے حامیوں کی گاڑیاں آمنے سامنے آنے کے بعد یہ تنازعہ شروع ہوا۔ دونوں جماعتوں نے ایک دوسرے پر پتھراؤ اور فائرنگ کا الزام لگایاہے۔

تفصیلات کے مطابق ایک طرف ایس پی امیدوار باہوبلی ابھے سنگھ تھے تو دوسری طرف بی جے پی امیدوار آرتی تیواری حامی تھیں۔ آمنے سامنے ہونے پر دونوں فریقین کے درمیان یکدم کشیدگی پیدا ہو گئی۔ عینی شاہدین کا کہنا ہے کہ اس دوران دونوں جانب سے ہوائی فائرنگ کے کئی راؤنڈ بھی ہوئے۔

تاہم اس میں کوئی جانی نقصان نہیں ہوا۔ کھبو تیواری کے حامیوں کا الزام ہے کہ انہوں نے ابھے سنگھ کے قافلے پر فائرنگ کی تھی جب کہ کھبو تیواری کے حامیوں کا کہنا ہے کہ ان پر بھی حملہ کیا گیا ہے۔

اس کے ساتھ ہی پریوں کے اس واقعہ پر ایودھیا پولیس نے بتایا کہ ہمیں دونوں طرف سے شکایتیں موصول ہوئی ہیں اور معاملے کی جانچ کر رہے ہیں۔ پولیس نے فائرنگ کا اعتراف بھی کیا ہے اور یہ بھی بتایا ہے کہ اس واقعہ میں کوئی زخمی نہیں ہوا ہے تاہم ایک یا دو افراد کو معمولی چوٹیں آئی ہیں۔

بتادیں کہ گوسائی گنج سمیت ایودھیا ضلع میں یوپی اسمبلی انتخابات کے پانچویں مرحلے میں ووٹنگ ہوگی۔ یہاں 3 مارچ کو ووٹ ڈالے جائیں گے۔ 10 مارچ کو تمام مراحل کی ایک ساتھ گنتی ہوگی اور انتخابات کے نتائج سامنے آئیں گے۔