برہنہ حالت میں بھگوان کی پوجا کرنے پر مجبور کرکے ویڈیو گرافی

کرناٹک پولیس نے ایک 16 سالہ لڑکے کو بغیر کپڑوں کےپوجا کرنے پر مجبور کرنے پر تین افراد کے خلاف ایف آئی آر درج کی ہے۔ ملزم نے مبینہ طور پر اس حرکت کی ویڈیو گرافی کی اور اسے سوشل میڈیا پر شیئر کر دیا، جس سے اسے وائرل کر دیا۔

کوپل دیہی پولیس نے معاملہ درج کر لیا ہے اور اس معاملے کی تحقیقات کر رہی ہے جو حال ہی میں سامنے آیا تھا۔ پولیس کے مطابق تینوں ملزمان نے لڑکے کو باور کرایا تھا کہ اگر وہ برہنہ حالت میں بھگوان پوجا کرے گا تو اس کے والد کے قرضے معاف ہو جائیں گے۔

ملزم نے لڑکے سے کہا کہ اگر اس کے والد کے قرضے اتارنے ہیں تو وہ یہ حرکت کرے۔ انہوں نے اسے یقین دلایا کہ برہنہ حالت میں پوجا کرنے کے فوراً بعد اس کے خاندان کو پیسے مل جائیں گے۔

Koppal: Boy forced to perform worship without clothes, FIR filed#newskarnataka #koppal #FIR #worship #karnataka #Forceforworship #Latestnews

To Read More:https://t.co/pf7GuAbMta pic.twitter.com/nuV06BdZbk

— News Karnataka (@Newskarnataka) October 3, 2022

پولیس نے بتایا کہ بعد میں وہ لڑکے کو ہبلی شہر کے ایک لاج میں لے گئے، اور اسے برہنہ حالت میں بھگوان کی پوجا کرنے پر مجبور کیا۔

ملزمین، جن کی شناخت شرنپا، ویروپنا گوڈا اور شرناپا تلوارا کے طور پر کی گئی ہے، نے اس پورے واقعہ کو فلمایا۔ بعد ازاں انہوں نے ویڈیوز اپ لوڈ کیں جو سوشل میڈیا پر وائرل ہوگئیں۔

ویڈیو گردش کرنے کے بارے میں معلوم ہونے کے بعد، لڑکے نے پولیس کو اطلاع دی کہ اس کے ساتھ کیا ہوا تھا. جس کے بعد والدین نے ملزمان کے خلاف مقدمہ درج کرایا۔ پولیس نے تحقیقات کا آغاز کر دیا ہے۔