دوحہ:۔ 26؍ستمبر
(انٹر نیٹ ڈیسک)
عالم اسلام کےممتاز ترین عالم دین،صدر عالمی اتحاد برائے علمائے اہل اسلام علامہ شیخ یوسف القرضاوی کی قطر میں وفات ہو گئیشیخ یوسف القرضاوی 9 ستمبر 1926ء کومصر میں پیدا ہوئےتھے۔فی الوقت وہ قطر کی راجدھانی دوحہ میں مقیم تھے
۔ ان کی وفات سے عالم اسلام میں غم کی لہر دوڑ گئی۔
عرب میڈیا کی رپورٹ کے مطابق شیخ یوسف القرضاوی 96 سال کی عمر میں وفات پاگئےعلامہ یوسف القرضاوی کا نام کسی تعارف کا محتاج نہیں ہے۔آپ کاتعلق مصر سےہےلیکن گزشتہ چار دہائی سے وہ قطر میں قیام پذیر تھے۔علامہ یوسف القرضاوی کے انتقال پُرملال کی اطلاع ان کے آفیشل ٹوئٹر اکاؤنٹ پر دی گئی ہے۔
انتقل إلى رحمة الله سماحة الإمام يوسف القرضاوي الذي وهب حياته مبينا لأحكام الإسلام، ومدافعا عن أمته.. نسأل الله أن يرفع درجاته في عليين، وأن يلحقه بالنبيين والصديقين والشهداء والصالحين.. وحسن أولئك رفيقا. وأن يجعل ما أصابه من مرض وأذى رفعا لدرجاته.. اللهم آمين pic.twitter.com/euoUztZeMQ
— يوسف القرضاوي (@alqaradawy) September 26, 2022
عالم اسلام کے معروف مبلغ یوسف القرضاوی کاشمار عالم اسلام کے بااثر ترین علماء میں ہوتا تھا۔ شیخ یوسف القرضاوی کا تعلق مصر سے تھا اور وہ طویل عرصے سے قطر میں مقیم تھے، وہ عرب دنیا کی معروف اسلامی تنظیم اخوان المسلمین کے فکری رہنما سمجھے جاتے تھے۔شیخ یوسف القرضاوی انٹرنیشنل یونین آف مسلم اسکالرز کے چیئرمین بھی تھے،
عرب دنیا میں انہیں غیر معمولی مقبولیت حاصل تھی، انہوں نے 50 سے زیادہ کتابیں تصنیف کیں، اسلامی قانون اور فقہ ان کا خاص موضوع تھا جب کہ وہ عالم اسلام میں جمہوری نظام کے بڑے حامی سمجھے جاتے تھے۔
مفتی محمد ارشد فاروقی چیرمین آن لائن فتویٰ موبائل سروس نے اپنے تعزیتی پیغام میں ڈاکٹر قرضاوی عالم ربانی ،عظیم فقیہ بڑے مفکر طرز جدید کے ادیب ایک علمی فقہی فکری تربیتی کتب خانہ وجود میں لانے والے اورکئی نسل کے کامیاب مربی عالم اسلام کے بڑے عالم اور انسانیت کے خیرخواہ اسلام کے داعی ومبلغ تھے ۔
انہوں نے کہا وہ عالم اسلام کے علماءکے قدردان اورفیض رساں تھے۔ وہ مفکر اسلام مولانا ابوالحسن علی ندوی کے شیدائی اور ہندوستانی درسگاہوں کے سراہنے والے تھے ۔ وہ اس دور کے فرد فرید ممتاز فقیہ تھے، ایک طویل عرصہ سے قطر میں مقیم تھے اور دنیا ان سے کسب فیض کررہی تھی۔ آج وہ رفیق اعلیٰ سے جاملے ان کے علوم سے دنیا فائدہ اٹھاتی رہے گی