لکھنو میں دیوار منہدم ہونے سے 9/افراد ہلاک۔2 زخمی

اترپردیش کی ریاست لکھنؤ میں تین دنوں سے جاری موسلادھار بارش کے درمیان جمعہ کی صبح 3 بجے ایک بڑا  افسوسناک حادثہ پیش آیا۔ یہاں دلکش کالونی میں دیوار گرنے سے 9 افراد ہلاک ہوگئے۔دو زخمیوں کو سول ہسپتال میں داخل کرایا گیا ہے۔

 ڈی ایم سوریاپال گنگوار نے بتایا کہ تمام مرنے والے اور زخمی جھانسی ضلع کے پچوارہ کے رہنے والے ہیں۔سی ایم یوگی زخمیوں سے ملنے ہسپتال پہنچنے والے تھے لیکن کالی داس چوراہے کے قریب پارک روڈ پر پانی بھر جانے کی وجہ سے دورہ منسوخ کرنا پڑا

یہ سب چھاؤنی کے علاقے میں آرمی کیمپس کی پرانی دیوار کے سائے میں ایک جھونپڑی میں رہ رہے تھے اور نئی باؤنڈری وال کی تعمیر میں مصروف تھے۔ڈی ایم نے بتایا کہ لوگ باونڈریوال کے قریب ایک جھونپڑی میں سوتے تھے۔ رات دیر گئے ریسکیو مکمل کر لیا گیا ہے۔زخمیوں کی حالت خطرے سے باہر ہے۔

 سول ہسپتال کے ڈائریکٹر آنند اوجھا کا کہنا ہے کہ 9 افراد کو صبح 7 بجے لایا گیا تھا، تمام افراد کی موت ہوچکی تھی۔ اس کے علاوہ دو زخمی ہیں، جن کا علاج جاری ہےحادثہ آرمی کینٹ کے قریب پیش آیا تو آرمی کے جوانوں نے ریسکیو آپریشن کیا تو آرمی کےعہدیدار بھی ریسکیو کے لیے موقع پر پہنچ گئے۔ سی ایم یوگی نے حادثے پر نظر رکھی ہے۔ڈی ایم اور پولیس افسران کو موقع پر پہنچنے کی ہدایت دی گئی ہے۔

 سی ایم یوگی نے مرنے والوں کے اہل خانہ سے تعزیت کا اظہار کیا ہے۔وزیراعلیٰ نے مہلوکین کے لواحقین کو 4 لاکھ روپے کی امدادی رقم کا اعلان کیا ہے۔ وزیراعلیٰ نے زخمیوں کو بہتر علاج فراہم کرنے کی ہدایت کی ہے۔وزیر داخلہ امت شاہ اور ایس پی صدر اکھلیش یادو نے حادثے پر افسوس کا اظہار کیابتایا جاتا ہے کہ مزدور پرانی دیوار کی مدد سے جھونپڑی بنا کر رہتے تھے۔

لکھنؤ میں تین دنوں سے وقفہ وقفہ سے بارش ہو رہی ہے۔ صبح 3 بجے کے قریب اچانک پیش آنے والے اس واقعہ سے موقع پر کہرام مچ گیا۔پڑوسیوں کا کہنا تھا کہ شدید بارش کی وجہ سے دیوار بہت کمزور ہو گئی ہے۔اردگرد کی مٹی گرنے سے دیوار گر گئی۔ واقعہ کی اطلاع ملتے ہی فوج کی بھاری نفری موقع پر پہنچ گئی اور امدادی کارروائیاں جاری ہیں