مشتعل لوگوں کی جانب سے درجنوں گھروں کو آگ لگانے کا الزام
کولکتہ: 22؍مارچ
(اے ایم این ایس)
مغربی بنگال کے بیر بھوم میں ترنمول لیڈر کے قتل کے بعد بھڑکنے والے تشدد میں دس لوگوں کی جانیں گئیں۔ بتایا جاتا ہے کہ بگوٹی گاؤں میں ٹی ایم سی لیڈر بھدو شیخ کے قتل کے بعد مشتعل لوگوں نے مبینہ طور درجنوں مکانات کو آگ لگا دی۔
جس میں 10 افراد زندہ جل گئے۔ پولیس کو ایک ہی گھر سے 7 لاشیں ملی ہیں۔، یہ واقعہ ترنمول کانگریس (ٹی ایم سی) کے ایک لیڈر کے قتل کے بعد پیش آیا۔بتایا جاتا ہے کہ ایک مشتعل ہجوم نے کل دیر رات رام پورہاٹ شہر کے مضافات میں واقع بوگتوئی گاؤں میں گھس کر 10 سے 12 مکانات کو آگ لگا دی۔
West Bengal | Around 10-12 houses were set on fire last night. A total of 10 dead bodies have been recovered, 7 dead bodies were retrieved from a single house: Fire officials on death of several people after a mob allegedly set houses on fire and killed a TMC leader in Birbhum. pic.twitter.com/KOW2ldlCgy
— ANI (@ANI) March 22, 2022
رام پورہاٹ فائر اسٹیشن کے ایک اہلکار عزیز الحق نے میڈیا کو بتایا کہ سوموار کی رات تین جلی ہوئی لاشیں برآمد کی گئیں جب کہ مزید سات لاشیں منگل کی صبح ایک گھر سے ملی۔
پولیس سپرنٹنڈنٹ (بیربھوم) ناگیندر ناتھ ترپاٹھی جنہوں نے صبح پولیس کی ایک جمعیت کے ساتھ علاقہ کا معائنہ کیا تاہم صرف سات دیہاتیوں کی موت کی تصدیق کی۔ رات تک جاری آتشزدگی کے دوران کئی دیگر مکانات کو بھی نذر آتش کر دیا گیا۔
موصولہ اطلاعات کے مطابق ریاست کے بیر بھوم میں آگ لگنے سے 10 لوگوں کی موت ہو گئی ہے۔ بتایا جا رہا ہے کہ رام پورہاٹ میں ترنمول کانگریس کے نائب صدر کے قتل کا بدلہ لینے کے لیے یہ واقعہ کچھ لوگوں نے انجام دیا ہوگا۔ تمام لوگوں کو جلانے کی باتیں منظر عام پر آ رہی ہیں۔
This morning, 7 bodies were recovered from one house. Initially, 10 deaths were reported but the numbers were not correct, a total of 8 people have died. A Special Investigation Team (SIT) has been constituted: Manoj Malviya, West Bengal DGP pic.twitter.com/3UG4inrIqP
— ANI (@ANI) March 22, 2022
واقعہ کی اطلاع ملتے ہی فائر بریگیڈ کی ٹیم موقع پر پہنچ گئی اور آگ بجھانے کا کام شروع کردیا۔ اتنا ہی نہیں ڈی ایم سمیت بیر بھوم کے تمام بڑے افسران بھی موقع پر پہنچ گئے۔ پولیس معاملے کی جانچ کر رہی ہے کہ یہ واقعہ کیسے پیش آیا
بتایا جاتا ہے کہ بوکتوئی گاؤں میں ٹی ایم سی لیڈر بھدو شیخ کے قتل کے بعد تشدد ہوا جو رام پورہاٹ بلاک I میں بوروشال گرام پنچایت کے اپا پردھان (نائب سربراہ) تھے۔
پیر کی شام وہ چائے کے اسٹال پر تھے۔ اچانک چار بدمعاشوں کے ایک گروہ نے جو موٹرسائیکلوں پر اپنے چہرے ڈھانپے ہوئے تھے، اس پر بم پھینک دیا۔ مہلک زخموں کے ساتھ شیخ کو رامپورہاٹ اسپتال لے جایا گیا جہاں اسے مردہ قرار دیا گیا۔