نہ ملا تومکان پر نوٹس چسپاں
دہلی : 15؍مئی
(زیڈ ایم این ایس)
راجستھان کے وزیر مہیش جوشی کے بیٹے روہت کو گرفتار کرنے دہلی پولیس ہفتہ کی رات دیر گئے جے پور پہنچی۔ روہت پر لڑکی کی مبینہ طور پر کئی بار عصمت دری کرنے کا الزام ہے۔ پولیس ٹیم نے مہیش جوشی کے گھر کی تلاشی لی، لیکن روہت وہاں نہیں ملا۔ یہاں خادمہ اور وزیر کی بہو مل گئیں۔
وزیر کے گھر کی تلاشی لینے سے پہلے دہلی پولیس نے جے پور پولیس کو اطلاع دی تھی۔ اس کے بعد جے پور ریلوے اسٹیشن کے سامنے واقع مہیش جوشی کی نجی رہائش گاہ پر اتوار کی صبح تقریباً چار بجے تک تلاشی مہم جاری رہی۔ اب ٹیم مہیش جوشی کی سرکاری رہائش گاہ کی تلاشی لے گی۔
دہلی پولیس نے کہا کہ روہت جوشی کے خلاف جے پور کی ایک لڑکی نے دہلی کے صدر بازار پولیس اسٹیشن میں عصمت دری کا مقدمہ درج کرایا ہے۔ پولیس نے روہت سے فون پر رابطہ کرنے کی کوشش کی، لیکن اس کا فون بند ہے۔ روہت کے نہ ملنے پر نوٹس کو وزیر کی نجی رہائش گاہ پر چسپاں کر دیا گیا۔ نوٹس میں روہت کو 18 مئی کو دوپہر ایک بجے سے پہلے پولیس اسٹیشن میں حاضر ہونے کو کہا گیا ہے۔
8 مئی کو جے پور کی ایک لڑکی نے کہ وزیر مہیش جوشی کے بیٹے کے خلاف دہلی کے صدر بازار پولیس اسٹیشن میں عصمت دری، بدکاری حملہ اور دھمکی جیسی سنگین دفعات کے تحت مقدمہ درج کرایا تھا۔ . متاثرہ نے دہلی میں اپنے ساتھ عصمت دری اور غیر فطری جنسی فعل (غلط کام) کا درد بیان کیا تھا
متاثرہ نے بتایا کہ کس طرح روہت اس کے ساتھ زبردستی تعلقات قائم کرتا تھا۔ انکار پر اسے بستر سے باندھ کر زیادتی کا نشانہ بنایا اور غیر فطری جنسی تعلق قائم کیا۔ وہ اسے ہوٹلوں اور عوامی مقامات پر مارتا رہا۔ اگر وہ احتجاج کرتی تو اپنے والد کے اثر و رسوخ کی دھمکی دیتا۔ لڑکی روہت سے اتنی ناراض تھی کہ اس نے خودکشی کی کوشش بھی کی تھی