نئی دہلی :13؍مارچ
( اے ایم این ایس)
کانگریس ورکنگ کمیٹی کی میٹنگ میں گاندھی خاندان کے تمام افراد اپنے اپنے عہدوں سے استعفیٰ دے سکتے ہیں۔ بتایا جاتا ہے کہ سونیا گاندھی، راہول گاندھی اور پرینکا گاندھی 13 مارچ بروز اتوار شام 4 بجے آل انڈیا کانگریس کمیٹی (AICC) کے دفتر میں بلائی گئی کانگریس ورکنگ کمیٹی کی میٹنگ میں اپنے اپنے عہدوں سے استعفیٰ دے سکتے ہیں
پانچ ریاستوں کے اسمبلی انتخابات میں پارٹی کی خراب کارکردگی کی اخلاقی ذمہ داری لیتے ہوئے یہ تمام لوگ اپنے عہدوں سے استعفیٰ دے دیں گے۔ یہ نیوز چینل این ڈی ٹی وی نے ذرائع کے حوالے سے اپنی رپورٹ میں بتایا ہے۔ تاہم کانگریس پارٹی نے اس کی تردید کی ہے
واضح رہے کہ پانچ ریاستوں کے اسمبلی انتخابات میں کانگریس کو ہمزیت ناک شکست ہوئی ہے۔ پنجاب کی حکومت بھی ہاتھ سے نکل گئی۔
اسمبلی انتخابات میں پارٹی کی کارکردگی سے ناراض سینئر لیڈروں نے پارٹی کی قیادت پر سوال اٹھائے ہیں۔ G-23 کے رہنما پہلے ہی مرکزی قیادت کو نشانہ بناتے رہے ہیں۔ پانچ ریاستوں کے انتخابی نتائج کے بعد ششی تھرور نے بھی قومی قیادت میں تبدیلی پر زور دیا۔ ایسے میں دیکھنا یہ ہے کہ ورکنگ کمیٹی کی میٹنگ میں گاندھی خاندان کے وفادار کیا موقف اختیار کرتے ہیں۔
گاندھی یا سونیا گاندھی میں سے کوئی بھی کانگریس کا صدر نہیں بنے گا۔ پارٹی کے لوگوں کو گاندھی خاندان کے علاوہ اپنا صدر منتخب کرنا چاہیے۔ تاہم، آخر کار تمام لیڈروں نے سونیا گاندھی کو چارج سنبھالنے پر راضی کر لیا۔ سونیا گاندھی طویل عرصے تک پارٹی کی ورکنگ صدر رہی ہیں
واضح رہے کہ 2019 کے عام انتخابات میں کانگریس کی انتہائی خراب کارکردگی کے بعد راہول گاندھی نے اس کی اخلاقی ذمہ داری قبول کرتے ہوئے کانگریس صدر کے عہدے سے استعفیٰ دے دیا تھا۔ تب سے سونیا گاندھی عبوری صدر کے طور پر پارٹی کا کام دیکھ رہی ہیں۔ ملک کی سب سے پرانی جماعت کو تقریباً تین سال گزرنے کے باوجود اپنا مستقل صدر نہیں مل سکا۔