ہندوستان میں کورونا وائرس : راحت کی خبر

! 81 دنوں کے بعد ہندوستان میں کورونا انفیکشن کے 60،000 سے بھی کم واقعات
نئی دہلی :21؍جون
(زین نیوز)
ہندوستان میں کورونا وائرس:ہندوستان میں کورونا انفیکشن کے معاملات میں مسلسل کمی واقع ہورہی ہے جوبڑی راحت کی خبر ہے۔ اتوار کے روز 81 دنوں کے بعد ملک میں کورونا وائرس کے انفیکشن کے 60،000 سے بھی کم نئے معاملات درج ہوئےہیں گزشتہ 24 گھنٹوں کے دوران ملک میں 30،776 ایکٹیو کیسز میں کمی آئی ہے  جس سے انفیکشن کےمعاملات کی کل تعداد 2،98،81،965 ہوگئی۔ اس کے ساتھ زیر علاج مریضوں کی تعداد اب 7،29،243 ہوگئی ہے۔

اتوار کے روز مرکزی وزارت صحت کی جانب سے جاری کردہ اعداد و شمار کے مطابق ایک دن میں انفیکشن کے 58،419 نئے کیس درج ہوئے ہیں۔ اس عرصے میں وبا کی وجہ سے 1،576 مزید افراد کے ضیاع کے نتیجے میں ہلاکتوں کی تعداد 3،86،713 ہوگئی ہے۔اموات کے نئے معاملات 63 دنوں میں سب سے کم ہیں۔

اتوار کی صبح 8 بجے تک جاری کردہ اعداد و شمار کے مطابق ملک میں زیر علاج مریضوں کی تعداد 7،29،243 رہ گئی ہے ، جو انفیکشن کے کل معاملوں کا 2.44 فیصد ہے۔ کورونا سے صحت یاب ہونے والوں کی قومی شرح 96.27 فیصد ہے۔ پچھلے 24 گھنٹوں کے دوران ، 30،776 افراد انفیکشن سے صحتیاب ہوچکے ہیں۔ وزارت نے بتایا کہ انفیکشن کی روزانہ شرح 3.22 فیصد ہے۔ یہ لگاتار 13 ویں دن میں پانچ فیصد سے بھی کم ہے۔ ہفتہ وار انفیکشن کی شرح بھی کم ہوکر 3.43 فیصد رہ گئی ہے۔

وبائی مرض سے صحت یاب ہونے والے افراد کی تعداد لگاتار 38 ویں دن انفیکشن کے نئے واقعات سے زیادہ ہے۔ اس بیماری سے صحت یاب ہونے والوں کی تعداد 2،87،66،009 ہوگئی ہے جبکہ اموات کی شرح 1.29 فیصد ہے۔