نئی دہلی:۔23؍دسمبر
(زیڈ این ایم ایس)
سکم کے جیما میں جمعہ کو فوج کا ایک ٹرک کھائی میں گر گیا۔ اس میں 16 فوجی ہلاک اور 4 زخمی ہوئے۔ فوج نے کہا کہ گاڑی تیز موڑ پر بے قابوہو کر سیدھا گھاٹی میں جاگری۔ اس گاڑی کے ساتھ دو اور آرمی وین بھی تھیں۔
فوج کی گاڑی تین گاڑیوں کے قافلے کا حصہ تھی جو صبح چٹن سے تھنگو کی طرف روانہ ہوا تھافوج کی بچاؤٹیم نے 4 زخمی فوجیوں کو ہوائی جہاز سے اتارا ہے۔ لاشیں بھی نکالی جارہی ہیں۔
فوج کی طرف سے جاری کردہ ایک بیان میں کہا گیا ہے۔ بدقسمتی سے، تین جونیئر کمیشنڈ آفیسرز اور 13 فوجی اس حادثے میں زخموں کی تاب نہ لاتے ہوئے دم توڑ گئے۔
وزیر دفاع راج ناتھ سنگھ نے بھی حادثے پر افسوس کا اظہار کیا۔ انہوں نے لکھا – شمالی سکم میں ایک سڑک حادثے میں ہندوستانی فوج کے جوانوں کی جانوں کے ضیاع سے مجھے بہت دکھ ہوا ہے۔
قوم ان کی خدمت اور عزم پر ان کی مشکور ہے۔ مرنے والے فوجیوں کے اہل خانہ سے میری تعزیت۔ میں زخمی فوجیوں کی جلد صحت یابی کی دعا کرتا ہوں۔
صدر دروپدی مرمو اور وزیر اعظم نریندر مودی نے حادثے پر غم کا اظہار کیا ہے اور زخمیوں کے جلد صحت یاب ہونے کی خواہش کی ہے۔ وزیر اعظم نے اپنی جانیں گنوانے والے جوانوں کے لواحقین کو وزیر اعظم ریلیف فنڈ سے 2 لاکھ روپے اور زخمیوں کو 50،000 روپے دینے کا اعلان کیا۔