اندور:۔4؍اکتوبر
(زین نیوز ڈیسک)
افریقی ٹیم نے بھارت اور جنوبی افریقہ کے درمیان کھیلے گئے تین ٹی ٹوئنٹی میچوں کی سیریز کا آخری میچ 49 رنز سے جیت لیا۔اس شکست کی وجہ سے بھارت کلین سویپ نہیں کر سکا ۔آخری ٹی ٹوئنٹی میچ میں بھارت کو 49 رنز سے شکست دے کر اپنی شرمندگی بچا لی تاہم یہ سیریز ٹیم انڈیا نے 2-1 سے جیت لی۔ جنوبی افریقہ نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 227 رنز بنائے۔ ریلی روسو نے اپنے ٹی ٹوئنٹی انٹرنیشنل کیریئر کی پہلی سنچری اسکور کی۔ انہوں نے 48 گیندوں میں 100 رنز بنائے۔ اس کے ساتھ ہی کوئنٹن ڈی کاک 43 گیندوں پر 68 رنز بنانے کے بعد رن آؤٹ ہوئے۔
227 رنوں کے جواب میں ہندوستان کی پوری ٹیم 18.3 اوورز میں 178 رنز پر ڈھیر ہوگئی۔ ہندوستان کے لیے سب سے زیادہ رنز دنیش کارتک کے بلے سے آئے۔ انہوں نے 21 گیندوں میں 46 رنز بنائے۔ اس کے ساتھ ہی دیپک چاہر نے 17 گیندوں میں 31 رنز بنائے۔ ٹیم انڈیا کے لیے کوئی بھی بلے باز نصف سنچری نہیں بنا سکا۔
بھارت اور جنوبی افریقہ کے درمیان ٹی ٹوئنٹی سیریز کا آخری میچ اندور کے ہولکر سٹیڈیم میں کھیلاگیا۔بھارت نے ٹاس جیت کر پہلے گیند بازی کا فیصلہ کیا۔ جنوبی افریقہ کے بلے بازوں نے ٹیم انڈیا کے گیند بازوں کو بہت مارا ہے۔ ٹیم نے مقررہ 20 اوورز میں 3 وکٹوں کے نقصان پر 227 رنز بنائے
ہندوستانی ٹیم کو پہلا جھٹکا پہلے اوور کی دوسری گیند پر لگا۔ کپتان روہت شرما کھاتہ کھولے بغیر ربادا کے ہاتھوں بولڈ ہوگئے۔ اس کے بعد شریاس ایر بھی کچھ اچھا نہ کر سکے اور وہ 4 گیندوں پر 1 رن بنانے کے بعد پویلین لوٹ گئے۔
رشبھ پنت نے شاندار آغاز کیا۔ انہوں نے 14 گیندوں میں 27 رنز بھی بنائے لیکن ان کی اننگز زیادہ بڑی نہ ہو سکی۔ وہ لونگی نگیڈی کی گیند پر ٹرسٹن اسٹبس کے ہاتھوں کیچ ہوئے۔
دنیش کارتک نے بھی میچ میں شاندار آغاز کیا اور انہوں نے بھی 21 گیندوں میں 46 رنز بنائے۔ اس کے بعد وہ ایک خراب شاٹ کھیلتے ہوئے کیشو مہاراج کی گیند پر بولڈ ہو گئے۔
سوریہ کمار یادو کا بیٹ بھی آج کچھ خاص نہیں کر سکا۔ وہ 8 رنز بنانے کے بعد آؤٹ ہوئے۔ریلی روسو نے اپنے ٹی ٹوئنٹی انٹرنیشنل کیریئر کی پہلی سنچری اسکور کی۔ انہوں نے 48 گیندوں میں 100 رنز بنائے۔ اس کے ساتھ ہی کوئنٹن ڈی کاک 43 گیندوں پر 68 رنز بنانے کے بعد رن آؤٹ ہوئے۔