اپوزیشن کو پارلیمنٹ میں بولنے کی اجازت نہیں۔راہول گاندھی
کیا ہم پاکستان کی سرحد پر کھڑے ہیں؟۔سنجے راوت
نئی دہلی:12؍اگسٹ
(زین نیوز؍ایجنسیز)
راہول گاندھی سمیت کئی اپوزیشن لیڈروں نے مانسون سیشن کو ختم کرنےکے خلاف بطور احتجاج پارلیمنٹ ہاؤ س سے پیدل مارچ کرتے ہوئے وجئے چوک تک پہنچے ،۔مارچ نکالنے کے بعد کانگریس لیڈر راہل گاندھی نے میڈیا سے بات کرتے ہوئے مرکزی حکومت پر شدید حملہ کیا۔
انھوں نے کہا کہ آج ہمیں آپ (میڈیا) سے بات کرنے کے لیے یہاں آنا پڑا کیونکہ اپوزیشن کو پارلیمنٹ میں بولنے کی اجازت نہیں ہے۔ یہ جمہوریت کا قتل ہے۔ اس کے علاوہ انھوں نے کہا کہ پارلیمنٹ کا سیشن ختم ہو چکا ہے۔ اس دوران ملک کی 60 فیصد آواز کو کچلا گیا اور ذلیل کیا گیا۔
راجیہ سبھا میں پہلی بار ارکان پارلیمنٹ کو مارا پیٹا گیا ارکان پارلیمنٹ کو باہر سے لوگوں کو بلا کر اور نیلی وردی پہنا کر مارا پیٹا گیا۔ بھارت کے وزیر اعظم ملک بیچنے کے لیے کام کر رہے ہیں
راہول گاندھی نے کہا کہ بھارت کے وزیر اعظم زمین بیچنے کے لیے کام کر رہے ہیں بھارتی وزیر اعظم بھارت کی روح کو دو تین صنعت کاروں کو بیچنے کے لیے کام کر رہے ہیں۔ چنانچہ اپوزیشن گھر کے اندر کسانوں ، بے روزگاروں ، انشورنس بل اور پیگاسس کے بارے میں بات نہیں کر سکتی۔
ہم نے سرکار سے پیگاسس پر بحث کرنے کو کہا لیکن حکومت نے انکار کر دیا ہم نے کسانوں کا مسئلہ پارلیمنٹ کے باہر اٹھایا لیکن حکومت نے ہماری آواز نہیں سنی۔
ہم نے کل جمہوریت کا قتل دیکھا راجیہ سبھا میں جس طرح مارشل کے لباس میں پرائیویٹ لوگوں نے ہمارے ممبران پارلیمنٹ پر حملہ کرنے کی کوشش کی۔ یہ مارشل نہیں تھے ، پارلیمنٹ میں مارشل لاء لگایا گیا۔
شیو سینا کے رکن پارلیمنٹ سنجے راوت نے کہا کہ راجیہ سبھا میں گزشتہ روز مارشل لاء نافذ کیا گیا ، ایسا لگتا تھا کہ ہم پاکستان کی سرحد پر کھڑے ہیں۔ حکومت ہر روز جمہوریت کا قتل کر رہی ہے ، ہم اس حکومت کے خلاف لڑتے رہیں گے۔
راجیہ سبھا میں گزشتہ روز خواتین ارکان پارلیمنٹ کے ساتھ بدتمیزی کا الزام تھا۔ اپوزیشن کی جانب سے یہ الزام لگایا گیا کہ سیکوریٹی اہلکاروں نے خواتین ارکان کے ساتھ بدتمیزی کی گئی ، اپوزیشن رہنماؤں کا کہنا ہے کہ پارلیمنٹ کی تاریخ میں ایسا پہلے کبھی نہیں ہوا۔