16؍ستمبر میر عالم عیدگاہ سے تیگل کنٹہ تک ریالی اور جلسہ عام کا اعلان
چیف منسٹر کے سی آراورمرکزی وزیر داخلہ امیت شاہ کو اسد اویسی کا مکتوب
حیدرآباد۔3؍ستمبر
(زین نیوز)
صدر مجلس اسد الدین اویسی ایم پی نے مرکزی وزیر داخلہ امیت شاہ اور چیف منسٹر کے چندر شیکھر را ؤکے موسومہ مکتب میں 17 ستمبر کوجس دن سابق حیدرآباد ریاست کو ہندوستان میں ضم کیا گیا تھا’’یوم قومی یکجہتی ‘‘ کے طور پرمنانے کی درخواست کی ہے۔
انہوں نے کہا کہ’’یہ تاریخ ان علاقوں کے عوام کیلئے بالواسطہ نوآبادیاتی اور جاگیردارانہ حکمرانی کے خاتمہ کی نشاندہی کرتی ہے۔ یہ دن برطانوی استعمار کے ساتھ ساتھ نظام کی جاگیردارانہ مطلق العنان حکمرانی کے خلاف سابق ریاست حیدرآباد کے لوگوں کی جدوجہد کا جشن ہونا چاہیے ناکہ یوم آزادی تلنگانہ کے طور پر منایا جائے۔
Spoke to media on our demand that September 17 should be celebrated as National Integration Day to mark the merger of #Hyderabad with the Union of India https://t.co/Fj0uCatARt
— Asaduddin Owaisi (@asadowaisi) September 3, 2022
انہوں نے مکتوب میں کہاکہ 17 ستمبر کو باضابطہ طور پر حیدرآباد لبریشن ڈے کے طور پر منانے کا منصوبہ مرکز میں بھارتیہ جنتا پارٹی کی حکومت کے پس منظر میں اہمیت کا حامل ہے۔1857 کی جنگ آزادی میں مولوی علاالدین اور ترے باز خان جیسے مسلم آزادی پسندوں اور شہید صحافی شعیب اللہ خان کی مثالیں دیتے ہوئے اسد الدین اویسی نے کہا کہ اس طرح کی تقریبات کو تسلیم کرنا چاہیے کہ ان سرزمین کے لوگوں نے(بالواسطہ)برطانوی راج کے خلاف طویل جدوجہد کی تھی۔
انہوں نے یاد کیا کہ علاالدین اور شعیب اللہ خان نے انگریزوں کے ساتھ ساتھ نظام کے سپاہیوں کے خلاف بھی جنگ لڑی تھی۔ صحافی کو حیدرآباد کے یونین آف انڈیا میں انضمام کی وکالت کرنے پر قتل کر دیا گیا۔انہوں نے یہ بھی ذکر کیا کہ سابق ریاست حیدرآبادکے عام ہندو اور مسلمان ایک جمہوری، سیکولر اور ریپبلکن حکومت کے تحت متحدہ ہندوستان کے حامی تھے اور اس کی عکاسی سندرلال کمیٹی کی رپورٹ میں ہوئی ہے۔
’’کمیٹی کو حکومت ہند نے حیدرآباد کے انضمام کے بعد کی صورتحال پر رپورٹ کرنے کے لئے مقرر کیا تھا۔ کمیٹی نے یہ بھی پایا کہ ان خطوں میں رہنے والے عام مسلمانوں کے خلاف بڑے پیمانے پر تشدد کیا گیا۔ صدرمجلس نے مطالبہ کیا کہ کوٹی کے ویمنس کالج میں ایک مناسب جشن کا اہتمام کیا جائے جو کہ برطانوی ریذیڈنسی تھی۔
17 ستمبر کو قومی یکجہتی کے دن کے طور پر منانے کی ہمارے مشورے کو قبول کرنے کے لیے TelanganaCMO@ کا شکریہ۔ میرے مشورے کے ایک گھنٹے کے اندر فیصلہ لیا گیا۔ ياد رہے 17 ستمبر کو ہی، سابقہ حیدرآباد ریاست کو متحدہ ہندوستان میں ضم کیا گیا تھا۔
— Asaduddin Owaisi (@asadowaisi) September 3, 2022
ہفتہ کو یہاں پارٹی ہیڈکوارٹر دارالسلام میں نامہ نگاروں سے بات چیت کرتے ہوئے اویسی نے کہا کہ ان کی پارٹی نوجوان نسلوں کو جاننا چاہتی ہے کہ انگریزوں کے خلاف جدوجہد میں کچھ لوگوں نے کس طرح اہم کردار ادا کیا ہے اور مزید کہا کہ 16 ستمبر کو ایک ریلی نکالی جائے گی۔ میر عالم عیدگاہ سے تیگل کنٹہ تک جہاں ایک جلسہ عام کا انعقاد کیا جائے گا۔