نیشنل چائلڈ ہیلتھ پروگرام کے تحت آر بی ایس کے ٹیم بکھیررہی خوشیاں

آر بی ایس کے ٹیم سہارنپور کے ذریعہ لوگوں کے گھروں میں خوشیاں بکھارنے کا سلسلہ مسلسل جاری ہے، اپنے نونہالوں کی بیماریوں سے مایوس ہونے والے لوگوں کے چہرے پر مسکان لانے کے لئے یہ ٹیم تمام ممکنہ اقدامات کرتی ہے۔

 ٹیم لیڈر نیشنل ہیلتھ ینڈ چائلڈ منیجر ڈاکٹر مونیکا پنوار نے بتایاکہ ٹیم کے ذریعہ ایسے لوگوں کے چہرے پر مسکان لائی جارہی ہے ،جن اپنی اولاد کی بیماریوں سے مایوس ہوچکے تھے،

 انہوں نے بتایاکہ ٹیم کے ذریعہ سرساوہ بلاک کے گاؤں دمجھیڑ ی کے باشندہ مختار کی بیٹی کے دل میں سوراخ تھا،جس سے میاں بیوی انتہائی افسردہ رہتے تھے، وہ مقامی ڈاکٹروں کے علاوہ ہریانہ کے پلول اور براڑہ تک بچی کے علاج کے خاطر پہنچے ۔

 دو سال تک مختار چکرڈاکٹروں کے چکر کاٹتے رہے ،معاشی حالات بہتر نہ ہونے کے سبب پرائیویٹ علاج کی سہولیات بھی انہیں میسر نہیں ہوسکی ،جس کے بعد آنگن واڑی کارکن اور نیشنل چائلڈ ہیلتھ پروگرام کی ٹیم مختار کی بیٹی جویریہ کو ضلع اسپتال لائی۔ پھر پوسٹ گریجویٹ انسٹی ٹیوٹ آف چائلڈ ہیلتھ میں اس کا کامیاب آپریشن ہوا۔

 بالکل مفت، جویریہ اب دیگر بچوں کی طرح بہت خوش ہے۔ بچی کے والدین حکومت کے منصوبے اور آر بی ایس کے کی ٹیم کے شکریہ اداکررہے ہ۔ وہیں سرساوہ بلاک کے گاؤں اسد پور کی ایک اور چھوٹی بچی پری پیدائشی طور پر دل کی بیماری میں مبتلا تھی۔ اس کے بھی دل میں سوراخ تھا۔

 اس کے والدین نے شروع میں ڈاکٹروں سے رابطہ کیا۔ لیکن، جب معلوم ہوا کہ ایسے بچوں کا حکومت کی اسکیم آر بی ایس کے کے تحت مفت علاج کیا جاتا ہے۔ اس نے آر بی ایس کے کی ٹیم سے رابطہ کیا۔ مکمل تعاون حاصل کیا۔ بالآخر چھوٹی بچی کا آپریشن پوسٹ گریجویٹ انسٹی ٹیوٹ آف چائلڈ ہیلتھ، نوئیڈا میں کیا گیا۔

 اب وہ مکمل طور پر صحت مند اور خوش ہیں۔ دودھ گڑھ گاؤں کے زید کو دل کامرض تھا۔ عمر صرف 13 سال ہے۔ آخر کار آر بی ایس کے کی ٹیم یہاں پہنچ گئی۔

زید کا 10 نومبر 2022 کو نوئیڈا کے پوسٹ گریجویٹ انسٹی ٹیوٹ آف چائلڈ ہیلتھ؛ چائلڈ پی جی آئی میں کامیاب آپریشن ہوا۔ زید اب بالکل ٹھیک ہے۔ والدین کو ایک پیسہ بھی خرچ نہیں کرنا پڑا۔

ضلع میں ایسے اور بھی بہت سے نوجوان ہیں، جن کی زندگی میں آر بی ایس کے کی ٹیم بہار لے آئی ہے۔ دراصل یہ سب نیشنل چائلڈ ہیلتھ پروگرام کے تحت ممکن ہوا ہے۔

اس کا مقصد بچوں کی شرح اموات کو کم کرنا ہے۔ قابل ذکر بات یہ ہے کہ نیشنل چائلڈ ہیلتھ پروگرام سال 2013 میں شروع کیا گیا تھا۔

اس ٹیم میں ڈاکٹر پردیپ ڈاکٹر عبدالمجید، ڈاکٹر مونیکا پنوار اور ڈاکٹر نیہا اور دیگرہیں۔ڈاکٹر مونیکا پنوار، پروگرام مینیجر آر بی ایس کے نے بتایا کہ نیشنل چائلڈ ہیلتھ پروگرام کے تحت، ابتدائی مداخلت کی خدمات ان بچوں کو فراہم کی جاتی ہیں جن کی شناخت 4D کے طور پر کی گئی شرائط سے ہوتی ہے۔

 اس اسکیم کو سہارنپور میں پوری طرح نافذ کیا جا رہا ہے۔ اب تک کئی نوزائیدہ بچوں کو لائف سپورٹ مل چکی ہے۔ اس میں پوری ٹیم اور آنگن واڑی کارکنوں کا تعاون ہے۔