دو ریاستوں میں سڑک حادثہ، 20 افراد ہلاک: 22 زخمی اڈیشہ میں دو بسیں آپس میں ٹکرا گئیں
نئی دہلی:۔26؍جون
(زین نیوز ڈیسک)
اتوار کو اوڈیشہ اور مہاراشٹر میں مختلف سڑک حادثات میں 20 افراد ہلاک اور 22 زخمی ہوئے۔ زخمیوں کو ہسپتال میں داخل کرایا گیا ہے۔ اڈیشہ کے گنجم ضلع میں اتوار کو دو بسیں آپس میں ٹکرا گئیں۔ اس حادثے میں 12 افراد کی موت ہو گئی، جب کہ 8 زخمی ہو گئے۔
دوسری جانب دوسرا واقعہ مہاراشٹر کے رتناگیری ضلع کا ہے۔ یہاں داپولی میں سٹیٹ ہائی وے پر ایک ٹرک مسافر گاڑی سے ٹکرا گیا جس کے نتیجے میں 10 افراد ہلاک ہو گئے۔
برہام پور کے ایس پی سراون ویوک نے بتایا کہ دیگپاہنڈی میں اوڈیشہ اسٹیٹ روڈ ٹرانسپورٹ کارپوریشن (OSRTC) کی بس اور پرائیویٹ بس کے درمیان آمنے سامنے ٹکر ہوئی۔
او ایس آر ٹی سی بس رائاگڑا سے بھونیشور جا رہی تھی، جب کہ پرائیویٹ بس برہام پور کے کھنڈاڈیولی گاؤں سے واپس آ رہی تھی۔ اس میں سوار مسافر ایک شادی سے واپس گھر جا رہے تھے۔
تمام زخمیوں کو ایم کے سی جی میڈیکل کالج برہم پور میں داخل کرایا گیا ہے۔ اوڈیشہ حکومت نے مرنے والوں کے لیے 3 لاکھ روپے اور زخمیوں کے لیے 30 ہزار روپے کا اعلان کیا ہے۔
برہام پور کے ایس پی سراوان وویک ایم نے کہا، "حادثے میں سات دیگر زخمی ہوئے ہیں۔”ذرائع کے مطابق مہلوکین میں ایک ہی خاندان کے سات افراد اور ان کے رشتہ دار شامل ہیں۔یہ حادثہ اس وقت پیش آیا جب وہ برہم پور میں پارٹی میں شرکت کے بعد دیگاپاہنڈی کے قریب کھنڈاڈیولی واپس آ رہے تھے۔
رتناگیری پولیس نے بتایا کہ ایک ٹرک سامان اتارنے کے بعد تیزی سے داپولی کی طرف جا رہا تھا۔ہرنے گاؤں کے قریب ڈرائیور نے بس پر سے کنٹرول کھو دیا اور مخالف سمت سے آنے والی ٹاٹا میجک سے ٹکرا گئی۔
اس حادثے میں 5 لوگوں کی موقع پر ہی موت ہو گئی، جب کہ 3 دیگر نے ہسپتال میں علاج کے دوران دم توڑ دیا۔ 14 دیگر زیر علاج ہیں۔