تلنگانہ میں بارش کےپیش نظر تعلیمی اداروں کو 2 دن تعطیلات کا اعلان
حیدرآباد:۔21؍جولائی
(زین نیوز)
ریاست میں شدید بارش کی وجہ سےتلنگانہ حکومت نے جمعرات کو تمام تعلیمی اداروں میں دو دن کی تعطیلات کا اعلان کیا ہے۔ یہ فیصلہ انڈین میٹرولوجیکل ڈیپارٹمنٹ (آئی ایم ڈی) حیدرآباد کی جانب سے ریاست کے لیے اورنج الرٹ جاری کرنے کے بعد لیا گیا۔
وزیر تعلیم سبیتا اندرا ریڈی نے ٹویٹر پر اس فیصلے کا اعلان کرتے ہوئے لکھاک ریاست میں شدید بارش کو دیکھتے ہوئے وزیر اعلیٰ تلنگانہ مسٹر کے چندر شیکھر راؤ کی ہدایات پرحکومت نے سبھی تعلیمی اداروں کے لیے دو دن کی تعطیلات کا اعلان کرنے کا فیصلہ کیا ہے۔
ریاست میں تعلیمی ادارے یعنی جمعرات اور جمعہ کو اسکولو ں کو تعطیل رہے گی اگرچہ حکومت نے تعطیل کا اعلان کیا ہے لیکن بہت دیر ہو چکی تھی کیونکہ آج زیادہ تر طلباء اپنے تعلیمی اداروں میں پہنچ چکے تھے۔
حیدرآباد میں اگلے دو دنوں آج اور کل کے دوران ہلکی سے درمیانی بارش کا امکان ہے۔ بعض اوقات، شہر کے کچھ حصوں میں شدید منتر ہونے کا امکان ہے۔
فی الحال حیدرآباد میں ییلو الرٹ جاری کیا گیا ہے، اور وارننگ بھی بروقت جاری کی جارہی ہے۔ نوکاسٹ اور سات دن کی پیشن قیاسی بھی ریاستی ڈیزاسٹر مینجمنٹ اتھارٹی (SDMA) کے ذریعے تمام کلکٹروں کو جاری کی گئی ہے
Keeping in view of the heavy rainfall in the state and under the instructions of the Honourable CM, KCR garu, the Govt has decided to declare holidays for two days to all education institutions in the state. That is Thursday and Friday.
— Sabitha Reddy (@BrsSabithaIndra) July 20, 2023
کم دباؤ کے اثر کی وجہ سے ریاست بھر میں دو دنوں سے بڑے پیمانے پر بارش ہو رہی ہے۔ 48 گھنٹوں سے جاری بارش سے کئی علاقوں میں نظام زندگی ٹھپ ہو کر رہ گیا۔ جنگاوں ضلع کے جعفر گڑھ میں سب سے زیادہ 18.5 سینٹی میٹر بارش ریکارڈ کی گئی۔
یادادری ضلع کے راجاپیٹ میں 17.1 سینٹی میٹر، ضلع میدک کے ایلدورتھی میں 14.6 سینٹی میٹر، ضلع کمرمبھیم کے بیجور میں 14.1 سینٹی میٹر، ورنگل ضلع کے پاروتگیری میں 13.9 سینٹی میٹر، ضلع سدی پیٹ کے تھوگو میں 13 سینٹی میٹر، ضلع کاڈیلی میں 11.8 سینٹی میٹر، بھادری میں 11.8 سینٹی میٹر۔ ضلع سنگاریڈی ضلع کے اندولو میں 11.4 سینٹی میٹر۔ بارش ریکارڈ کی گئی ہے۔
نظام آباد ضلع کے اندلوائی میں 9.4 سینٹی میٹر، محبوب آباد ضلع کے انوگورتی میں 8.4 سینٹی میٹر، ملوگو ضلع کے وینکٹا پورم میں 7.6 سینٹی میٹر، رنگاریڈی ضلع کے سیری لنگم پلی میں 7.3 سینٹی میٹر، حیدرآباد شاکپیٹ میں 6.6 سینٹی میٹر، خیرات آباد کے کوجپالی میں 4.7 سینٹی میٹر 6 سینٹی میٹر، کٹھبلا پور میں 4.7 سینٹی میٹر، سنگاریڈی ضلع کے پتانچیرو میں 4.5 سینٹی میٹر۔ بارش ریکارڈ کی گئی ہے۔