حیدرآباد: لنگر ہاوز میں واقع 400 سال پرانی قطب شاہی مسجد کے مینارپر بجلی گرنے سے نقصان

ریاست کے بشمول حیدر آباد اور اس کے مضافات میں گذشتہ چار دن کی مسلسل بارش کے بعد کل اتوار اور آج پیر کو صبح سے شام تک موسم خوشگار دیکھاگیا تاہم آج شام موسم میں ایک بار پھر تبدیلی دیکھی گئی ہلکی سی بارش‘ خوفناک بجلی کی کڑک کے ساتھ موسلادھار بارش نے عام زندگی کو متاثر کردیا ۔

دارلحکومت حیدرآباد میں گزشتہ تین دنوں سے گرج و چمک کے ساتھ بارش ہورہی ہے آ ج بارش کے دوران لنگر ہاوزمیں واقع400 سال پرانی قطب شاہی دور کی مسجد پر بجلی گرنے سے پیر کی شام مینار کو نقصان پہنچا اور مسجد کی دیواروں میں دراڑیں پڑ گئیں اور برقی آلات کو نقصان پہنچایا۔

مقامی لوگوں کی جانب سے فراہم کردہ معلومات کے مطابق یہ واقعہ شدید بارش اوربجلی گرنے کے دوران پیش آیا جب مصلیوںنے مسجد پر گرج چمک کے ساتھ گرجنے کی آواز سنی اور چند منٹ بعد مینار سے پلاسٹر زمین پر گر گیا۔

مسجد کا معائنہ کرنے والے انتظامی کمیٹی کے ارکان نے محسوس کیا کہ ایمپلی فائر اور وائرنگ جیسے برقی آلات کو کافی حد تک نقصان پہنچا ہے اور کمیونٹی سے اپیل کی کہ وہ آگے آئیں اور انہیں تبدیل کرنے میں مدد کریں۔

واقعہ کی اطلاع پرکاروان کےمجلسی رکن اسمبلی کوثر محی الدین نے بعد میں مسجد کا دورہ کیا اور انتظامی کمیٹی کے ارکان سے بات چیت کی۔ انہوں نے تلنگانہ اسٹیٹ وقف بورڈ کے عہدیداران سے نمائندگی کا تیقن دیا ۔

انہوں نے بتایا کہ صدر کل ہندمجلس اتحاد المسلمین و رکن پارلیمنٹ بیرسٹر اسد الدین اویسی کی نمائندگی پر  تلنگانہ حکومت نے حال ہی میں اس قطب شاہی مسجد کے تحفظ اور دیکھ بھال کے لیے 25 لاکھ روپے منظور کیے ہیں۔ تعمیراتی اور مرمتی  کاموں کا بہت جلد آغاز عمل میں آئے گا

Lighting strike 400 years old Qutub Shahi Masjid, Langarhouz. I inspected the Masjid to access the damage.
The lighting stuck the Masjid minar resulting in damage to the minar and cracks inside the Masjid walls.

On representation of AIMIM Prez Br @asadowaisi Telangana Govt… pic.twitter.com/r5Ygctby4y

— Kausar Mohiuddin (@kausarmohiuddin) July 24, 2023