مہاراشٹر: بی جے پی اقلیتی مورچہ کی جنرل سکریٹری ثنا خان کا قتل

ناگپور کے بی جے پی لیڈر ثنا خان کے قتل کیس میں پولیس کی کرائم برانچ نے ملزم پپو عرف امت شاہو کو جبل پور سے گرفتار کیا ہے۔ دوران تفتیش اس نے قتل کا اعتراف کر لیا ہے۔ ناگپور پولیس ملزمان کے ساتھ جمعہ کی دیر رات یا ہفتہ کی صبح ناگپور پہنچے گی۔ ناگپور سٹی زون-2 کے ڈی سی پی راہل مدانے نے اس کی تصدیق کی ہے۔

قابل ذکر بات یہ ہے کہ بھارتیہ جنتا پارٹی (بی جے پی) کی رہنما ثنا خان یکم اگست سے لاپتہ تھیں۔ وہ اپنے بزنس پارٹنر سے ملنے مدھیہ پردیش کے جبل پور گئی تھی۔ ثنا خان نے اپنے گھر والوں کو بتایا تھا کہ وہ دو دن میں واپس آجائے گی

لیکن جب ایک ہفتہ گزر گیا اور وہ نہیں ملی اور فون بھی بند تھا تو خاندان نے ناگپور کے مانکاپور پولیس اسٹیشن میں گمشدگی کی رپورٹ درج کرائی۔

 گھر والوں کا کہنا تھا کہ ثنا جبل پور میں اپنے بزنس پارٹنر پپو شاہو سے ملنے گئی تھی۔ تاہم بیٹی کا کوئی سراغ نہیں ملا۔ اس کا فون بھی بند ہے۔اس کے بعد لواحقین نے اس کے قتل کا امکان ظاہر کیا۔ اس بنیاد پر جبل پور اور ناگپور پولیس نے مل کر ثنا کی تلاش شروع کردی۔ موبائل کی لوکیشن کی بنیاد پر ثنا اور امیت کی تلاش کی جا رہی تھی

جبل پور اور ناگپور پولیس کی مشترکہ کارروائی میں یہ سارا معاملہ بے نقاب ہوا۔ پولیس نے اس معاملے میں مرکزی ملزم امیت عرف پپو ساہو کو گرفتار کر لیا ہے۔

پولیس کو بتایا ہے کہ مقتول اس کی بیوی تھی اور اس نے مالی اور ذاتی مسائل پر اس کا قتل کیا۔ تفتیش کاروں کو یہ بھی بتایا کہ اس نے اپنی بیوی ثنا خان کو اس کے گھر میں چھڑی سے مار کر قتل کیا اور بعد میں اس کی لاش کو ضلع میں ایک ندی میں پھینک دیا۔

ایڈیشنل سپرنٹنڈنٹ آف پولیس کمل موریہ نے بتایا کہ پوچھ گچھ کے دوران اس نے پولیس کو بتایا کہ وہ اس کی بیوی تھی اور اس نے اسے مالی اور ذاتی مسائل پر قتل کیا۔

پولیس پوچھ گچھ میں امیت نے ثنا خان کے قتل کا اعتراف کر لیا ہے۔ امیت نے پولیس کو بتایا ہے کہ اس نے سب سے پہلے ثنا کو اپنے ہی گھر میں ڈنڈے سے مار کر قتل کیا۔ قتل کے بعد اس نے ثنا کی لاش جبل پور سے تقریباً 45 کلومیٹر دور ہیران ندی کے پل سے نیچے پھینک دی۔

اس کے ساتھ یہ بھی بتایا گیا کہ پپو شراب کی اسمگلنگ میں ملوث تھا اور وہ جبل پور کے قریب ایک ڈھابہ چلاتا تھا۔ ثنا اور پپو کے درمیان پیسوں کے لین دین کو لے کر کچھ عرصے سے جھگڑا چل رہا تھا۔ گمشدگی کی رپورٹ درج کرنے کے بعد پولیس کی ایک ٹیم جبل پور گئی۔

تھانے کے افسر نے بتایا کہ پولیس ٹیم کے پہنچنے سے پہلے ہی پپو شاہو اپنے اہل خانہ کے ساتھ فرار ہو گیا تھا۔ اس کے بعد سے پولیس مسلسل اس کی تلاش میں تھی۔ اس سلسلے میں پولیس کو اسے گرفتار کرنے میں کامیابی ملی۔

پولیس کا کہنا ہے کہ اس پورے معاملے میں ایک اور شخص ملوث ہے۔ پولیس نے اس کی تلاش شروع کر دی ہے۔ پولیس فی الحال ملزم سے پوچھ گچھ کر رہی ہے