تلنگانہ: بی آر ایس کےاُمیدوار کو انتخابی مہم کے دوران نوجوان نے چھرا گھونپ دیا۔

تلنگانہ کے میدک کے رکن پارلیمنٹ اور آئندہ انتخابات کے لئے دوباک  سے بی آر ایس امیدوار کوتہ پربھاکر ریڈی کو پیر کو دولت آباد منڈل کے سورم پلی گاؤں میں ان کی مہم کے دوران ایک نوجوان نے پیٹ میں چھرا گھونپ دیا۔ جس کے نتیجے میں پربھاکر ریڈی شدید زخمی ہو گئے

یہ حملہ اس وقت ہوا جب پربھاکر ریڈی سدی پیٹ ضلع کے دولت آباد منڈل کے گاؤں سورم پلی میں انتخابی مہم کے دوران پادری کے خاندان سے ملنے جا رہے تھے

پربھاکر ریڈی 30 نومبر کو ہونے والے اسمبلی انتخابات کے لیے مہم چلا رہے تھے۔انتخابی مہم چلا رہے بی آر ایس امیدوار کوتہ پربھاکر ریڈی پر چاقو سے حملہ نے ہلچل مچادی ۔

زخمی ایم پی کے حامیوں کی گاڑی کے اندر جانے میں مدد کرنے کا ویڈیو سوشل میڈیا پلیٹ فارمز پر گردش کر رہا ہے۔ واقعہ کی اطلاع ملتے ہی پولیس موقع پر پہنچ گئی اور تحقیقات شروع کردی۔ اس دوران حملہ آور کو بھیڑ نے مارا پیٹا اور پولیس کے حوالے کر دیا۔

پیٹ میں شدید چوٹوں کی وجہ سے  پربھاکر ریڈی کو فوری طور پر گجویل ہسپتال لے جایا گیا ہے  جہاں ابتدائی علاج کے بعد  سکندرآباد یشودا ہسپتال منتقل کیا گیا۔وزیر فینانس ٹی ہریش راؤ جو  اپنے تمام پروگرام منسوخ کردیئے ہیں اس وقت یشودا ہاسپٹل پہنچے  ہیں  انھوں نے پربھاکر ریڈی کی عیادت کی اور ڈاکٹروں کو بہتر علاج فراہم کرنےکی ہدایت دی۔ان کی حالت اب بھی مستحکم ہے

BRS MP Kotha Prabhakar Reddy was attacked with a knife by unidentified person during election campaign in Surampalli village of Daultabad mandal of Siddipet district.

MP was taken to hospital with stomach injuries pic.twitter.com/pXcjPgOb9O

— Naveena (@TheNaveena) October 30, 2023

 ملزم کی شناخت گدام راجو کے طور پر ہوئی ہے۔ وہ پہلے ایک مقامی نیوز ایپ کے رپورٹر کے طور پر کام کرتا تھااور اب یوٹیوب چینل کے لیے کام کر رہا تھا۔پربھاکر ریڈی سے ہاتھ ملانے کے بہانے راجو نے ان کے پیٹ میں چھرا گھونپ دیا۔راجو فی الحال پولیس کی حراست میں ہے

پولیس کمشنر این سویتا آئی پی ایس نے ایک بیان میں کہا کہ قتل کی کوشش کرنے والے گدام راجو کے خلاف مقدمہ درج کر لیا گیا ہے اور تحقیقات شروع کر دی گئی ہے۔سی پی نے بتایا کہ پربھاکر ریڈی جو شدید خون بہہ رہا تھا، کو ابتدائی علاج کے لیے گجویل ہسپتال منتقل کیا گیا

#Telangana: Knife attack on #BRS Medak MP and Dubbaka MLA candidate Kotha Prabhakar. Man named Raju allegedly attacked the MP with a knife in Surampalli village, Doultabad mandal, Siddipet. MP shifted to Gajwel with serious injuries. Raju got beaten up. #TelanganaElection2023 pic.twitter.com/CArJAHuA7m

— Krishnamurthy (@krishna0302) October 30, 2023