انڈیا ۔ یو اے ای کی پروازوں میں اب گھی، اچار اور دیگر اشیاء ساتھ لے جانے پر پابندی

اگر آپ ہندوستان سے متحدہ عرب امارات (یو اے ای) جانے کا ارادہ کر رہے ہیں تو آپ کو ان اشیاء کے بارے میں آگاہ ہونا چاہیے جو آپ اپنے چیک ان سامان میں نہیں لے جا سکتے۔

ممبئی کے ہوائی اڈے کے حکام نے حال ہی میں ممنوعہ اشیاء کی فہرست جاری کی ہے ۔جس کی وجہ چیک ان بیگیج میں کمی کی شرح میں اضافہ ہے۔  مزید برآں تہوار کا موسم قریب آنے کے ساتھ ہی زائرین کی آمد میں نمایاں اضافہ ہونے کا امکان ہے۔

 ایسی ممنوعہ اشیاء لے جانے والے ملکی اور بین الاقوامی مسافروں کی وجہ سے ممبئی بین الاقوامی ہوائی اڈے پر چیک ان بیگیج کو مسترد کرنے کے معاملات میں تیزی آئی ہے۔جس میں دونوں طرف ہندوستانی مسافروں کی تعداد میں اضافہ دیکھنے میں آیا ہے۔

حکام نے ان اشیا کی فہرست جاری کی ہے جن کی پرواز میں اجازت نہیں ہے ممنوعہ اشیاء کی فہرست میں،گھی،پینٹ،خشک ناریل،کافور،اچار،تیل والی کھانے کی اشیاء،ای سگریٹ،لائٹر،پاور بینکس اسپرے بوتلیں شامل ہیں بہت سے مسافر یہ تمام اشیاء ان پر پابندی کے بارے میں جانے بغیر لے آتے ہیں جو بعد میں خطرناک ثابت ہوسکتا ہے

صرف مئی 2022 میں ممبئی ہوائی اڈے پر مسافروں کے چیک ان بیگیج میں 943 خشک ناریل دریافت ہوئے۔ مارچ 2022 میں، ہندوستان میں بیورو آف سول ایوی ایشن سیکوریٹی نے خشک ناریل کو ممنوعہ اشیاء کی فہرست میں شامل کیا ہے  تاہم، زیادہ تر مسافر ابھی تک اس سے واقف نہیں ہیں۔

حکام نے اب مسافروں پر زور دیا ہے کہ وہ ہوائی اڈے یا ایئر لائنز کی طرف سے خطرناک اور ممنوعہ اشیاء کے حوالے سے جاری کردہ رہنما خطوط کو جاننے اور سمجھنے کو ترجیح دیں۔

اسکرین شدہ بیگز کی کل تعداد کے مقابلے مسترد شدہ چیک ان بیگیج کا تناسب دسمبر 2022 میں 0.31 فیصد سے بڑھ کر مئی 2023 میں 0.73 فیصد ہو گیا ہے۔ ممبئی ایئرپورٹ کے بیگیج سسٹم میں 8 کلومیٹر کی بیگیج بیلٹ ہے جو فی گھنٹہ 9,600 بیگ ہینڈل کرتی ہے