تلنگانہ: بی ایس پی صدر ڈاکٹر پروین کمار اور ان کے بیٹے پر قتل اور ڈکیتی کی کوشش کا مقدمہ درج

تلنگانہ کے کمارم بھیم آصف آباد ضلع کے کاغذ نگر میں پولیس نے پیر 13 نومبر کو ریاستی بہوجن سماج پارٹی (بی ایس پی) کے صدر اور ریٹائرڈ آئی پی ایس افسر آر ایس ڈاکٹر پروین کمار اور ان کے بیٹے کے خلاف قتل اور ڈکیتی کی کوشش کا مقدمہ درج کیا۔

یہ کیس اتوار کی رات بی ایس پی اور بھارت راشٹرا سمیتی (بی آر ایس) کے کارکنوں کے درمیان تصادم کے بعد درج کیا گیا ہے۔

پروین کمار نے کہا کہ کاغذ نگر پولیس نے ان کے اور اس کے بیٹےجو دہلی اسکول آف اکنامکس میں پی ایچ ڈی اسکالر ہےکے علاوہ پارٹی کے علاوہ 11 سینئر اراکین کے خلاف قتل کی کوشش (307 آئی پی سی) اور ڈکیتی (395 آئی پی سی) کا مقدمہ درج کیا ہے

انہوں نے الزام لگایا کہ یہ اتوار کی رات سرپور کے ایم ایل اے امیدوار کونیرو کونپا کی ہدایت پر کیا گیا تھا۔ شکایت کنندہ جو ایم ایل اے کی انتخابی مہم کی گاڑی کا ڈرائیور ہے کہتا ہے کہ میں نے اس سے 25,000 روپے چرائے ہیں!!!

Kagaznagar Police of KB-Asifabad Dt booked a case of attempt to murder(307 IPC) and Dacoity(395) on me, my son(who is a Ph D scholar in Delhi School of Economics) and 11 senior members of party on the instructions of Sirpur MLA candidate Mr. Konappa last night. The complainant…

— Dr.RS Praveen Kumar (@RSPraveenSwaero) November 13, 2023

 انھوں نے کہاکہ اگر 26 سال کی بے داغ خدمات کے ساتھ ایک ریٹائرڈ آئی پی ایس افسر کے ساتھ ایسا ہو سکتا ہے تو تصور کریں کہ کونپا کی حکمرانی اور تلنگانہ میں کے سی آر کی ایک دہائی کی بدانتظامی کے دوران گزشتہ دو دہائیوں سے سرپور کاغذ نگر کے لوگ کس کیفیت سے گزر رہے ہیں

پراوین کمار نےکہاکہ کہ وہ ‘جھوٹ الزامات سے نہیں ڈرتےاور بی آر ایس کی غلط حکمرانی سے سرپور کو آزاد کرانے تک آرام نہیں کریں گے۔ انہوں نے تلنگانہ کو بی آر ایس اور بی جے پی اتحاد” کی سازش سے بچانے کا عزم بھی کیا۔

کاغذ نگر میں اتوار کی رات بی آر ایس اور بی ایس پی کے حامیوں کے درمیان تصادم نے کشیدگی پیدا کر دی تھی۔ پریشانی اس وقت شروع ہوئی جب ایک انتخابی میٹنگ جس سے پراوین کمار خطاب کر رہے تھےمبینہ طور پر حکمراں پارٹی کے حامیوں نے خلل ڈالا۔

بی ایس پی لیڈروں نے الزام لگایا کہ بی آر ایس مہم کی گاڑی اونچی آواز میں گانے بجاتی ہوئی اس جگہ پہنچی جہاں وہ جلسہ کر رہے تھے۔ جس سے دونوں گروپوں میں تصادم ہوگیا۔ تصادم گروپوں کو منتشر کرنے کے لیے پولیس کو مداخلت کرنا پڑی۔

ملوث افراد کے خلاف کارروائی کا مطالبہ کرتے ہوئے پروین کمار نے کاغذ نگر پولیس اسٹیشن کے سامنے دھرنا دیا۔ انہوں نے اس واقعہ کے لئے بی آر ایس کے رکن اسمبلی کونیرو کونپا کو ذمہ دار ٹھہرایا۔

انڈین پولیس سروس (آئی پی ایس) کے سابق افسر پروین کمار 30 نومبر کو تلنگانہ کے اسمبلی انتخابات میں سرپور حلقہ سے لڑ رہے ہیں۔ سیاست میں آنے کے لیے 2021 میں رضاکارانہ ریٹائرمنٹ لینے کے بعد، وہ بی ایس پی میں شامل ہوئے اور اس کے ریاستی صدر بن گئے۔