بنارس ہندویونیورسٹی کی طالبہ کے ساتھ اجتماعی عصمت دری کے تمام ملزم گرفتار
ملزم بی جے پی آئی ٹی سیل کا رکن
پی ایم مودی، سی ایم یوگی، سمیت کئی لیڈروں کے ساتھ تصویر وائرل
بنارس :۔31؍ڈسمبر
(زین نیوزڈیسک)
بنارس ہندویونیورسٹی میں گزشتہ ماہ بی ٹیک کی طالبہ کے ساتھ اجتماعی عصمت دری کا واقعہ پیش آیا تھا۔ اس واقعہ کے بعد زبردست ہنگامہ ہوا۔ لیکن گزشتہ دو ماہ سے پولیس ملزمان کو گرفتار نہیں کر سکی تھی۔
ہفتہ کو پولیس کو ایک بڑی کامیابی ملی اور تینوں ملزمان کو گرفتار کرلیا۔ہفتہ 30 دسمبر کو دیر رات چیکنگ کے دوران پولس نے تینوں کو بائک سمیت پکڑ لیا۔
ملزم نے یکم نومبر کی صبح تقریباً 1.30 بجے ایک طالبہ کے ساتھ اجتماعی عصمت دری کی جو اپنے دوست کے ساتھ بنارس ہندویونیورسٹی بی ٹیک جا رہی تھی۔ یہی نہیں گن پوائنٹ پر لڑکی کے کپڑے اتار کر ویڈیو بھی بنائی گئی۔
اس کے بعد کیمپس میں کئی دنوں تک زبردست احتجاجی مظاہرے ہوئے واقعے کے خلاف کئی طلبہ سڑکوں پر نکل آئے۔ طلباء طالبات کی حفاظت کے حوالے سے کیمپس میں بینرز اور پوسٹرز لے کر احتجاج کر رہے تھے۔
فی الحال ملزمان کی شناخت برج انکلیو کالونی سندر پور کے کنال پانڈے، جیوادھی پور بجارڈیہا کے آنند عرف ابھیشیک چوہان اور بجرڈیہا کے سکشم پٹیل کے طور پر کی گئی ہے۔
ان تینوں پر طالبہ کے ساتھ اجتماعی زیادتی کا الزام ہے۔ واقعے کے بعد ان کی تصویر بھی سامنے آئی تھی۔ پولیس نے ملزمان سے واردات میں استعمال ہونے والی موٹر سائیکل بھی برآمد کر لی ہے۔
ملزم کنال پانڈے بی جے پی آئی ٹی سیل کا رکن بتایا جاتا ہے۔ پی ایم مودی، سی ایم یوگی، جے پی نڈا سمیت بی جے پی کے کئی لیڈروں کے ساتھ اس کی تصویر وائرل ہو رہی ہے۔
تقریباً دو ماہ بعد پولیس کو ایک بڑی کامیابی ملی۔ پولیس کی مختلف ٹیمیں بی ایچ یو آئی آئی ٹی کیمپس میں حیدرآباد گیٹ سے بائی پاس اور کارونڈی مارگ تک، بی ایچ یو مین گیٹ سے لنکا۔روی داس گیٹ تک سڑک پر نصب 170 سے زیادہ سی سی کیمروں کی فوٹیج سکین کر رہی تھیں۔
اس دوران کرائم برانچ اور لنکا پولیس اسٹیشن کی مشترکہ ٹیم نے سوسواہی علاقہ کے رہنے والے ایک نوجوان اور اس کے دوست کو حراست میں لے کر پوچھ گچھ کی۔
وارانسی کے پولیس کمشنر متھا اشوک جین نے جمعرات کو کہا کہ متاثرہ کا بیان مجسٹریٹ کی موجودگی میں ریکارڈ کیا گیا اور الزامات میں آئی پی سی کی دو نئی دفعات شامل کی گئیں۔
376D (گینگ ریپ) کے علاوہ، شامل کیا گیا نیا سیکشن 509B (الیکٹرانک موڈ کے ذریعے جنسی طور پر ہراساں کرنا) ہے کیونکہ کہا جاتا ہے کہ حملہ آوروں نے اس واقعے کی ویڈیو شوٹ کی تھی۔ ویڈیو کے مندرجات کو ظاہر نہیں کیا گیا ہے لیکن طلباء 2 نومبر سے اس کے وجود پر زور دے رہے ہیں